ວັນທີ 5 ກັນຍານີ້, ກອງປະຊຸມສຸດຍອດດ້ານອຸດສາຫະກຳ-ການຄ້າຈີນ-ອາຣັບຄັ້ງທີ 3 ພາຍໃຕ້ຫົວຂໍ້ “ຊຸກຍູ້ການແລກປ່ຽນດ້ານເສດຖະກິດ-ການຄ້າ, ຊຸກຍູ້ການຮ່ວມມືຕົວຈິງ” ໄດ້ຈັດຂຶ້ນຢູ່ນະຄອນຢິນສວນເຂດປົກຄອງຕົນເອງເຜົ່າຮູຍນີງເຊ້ຍຈີນ ເຊິ່ງມີຜູ້ຕາງໜ້າຂອງສະມາຄົມການຄ້າ, ວິສາຫະກິດ ແລະອົງການລັດຖະບານຈາກ 28 ປະເທດ ຄື: ເອຢິບ, ຊອກດານີ, ກູເວດ ແລະປະເທດອື່ນໆ ກໍຄືເຈົ້າໜ້າທີ່ອົງການຊຸກຍູ້ການຄ້າ ແລະຜູ້ຕາງໜ້າວິສາຫະກິດຈາກ 23 ແຂວງພາຍໃນປະເທດຈີນເກືອບ 600 ຄົນເຂົ້າຮ່ວມ ເພື່ອປຶກສາຫາລືການຊຸກຍູ້ວົງການອຸດສາຫະກຳ-ການຄ້າຈີນ-ອາຣັບໃຫ້ລົງເລິກການຮ່ວມມືຕົວຈິງດ້ານເສດຖະກິດ-ການຄ້າ.
ທ່ນເຊີນຈ້ຽນອ່ານ ຮອງຫົວໜ້າສະມາຄົມຊຸກຍູ້ການຄ້າຈີນກ່າວວ່າ: ເສດຖະກິຈີນ ແລະອາຣັບໄດ້ຊ່ວຍຊູຍູ້ໜູນກັນ, ມີຍຸດທະສາດການພັດທະນາທີ່ສົມຄູ່, ຂໍ້ລິເລີ່ມການສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນໄດ້ສະໜອງເວທີໃໝ່ໃຫ້ແກ່ການຮ່ວມມືຈີນ-ອາຣັບ ກໍຄືສາຍພົວພັນຄູ່ຮ່ວມມືຢ່າງຮອບດ້ານລະຫວ່າງຈີນ-ອາຣັບໃຫ້ເຂົ້າສູ່ໄລຍະການພັດທະນາໃໝ່, ສະມາຄົມຊຸກຍູ້ການຄ້າຈີນຍິນດີຮ່ວມກັບອົງການທີ່ກ່ຽວຂ້ອງຂອງອາຣັບດຳເນີນໂຄງການການຮ່ວມມືຕົວຈິງທີ່ໃຫ້ຕ່າງຝ່າຍຕ່າງມີຜົນປະໂຫຍດ ແລະສົ່ງຜົນປະໂຫຍດໃຫ້ປະຊາຊົນສອງຝ່າຍ.