ເນື່ອງໃນໂອກາດວັນຄູປີທີ 35 ໄດ້ໝູນວຽນມາເຖິງ, ວັນທີ 10 ກັນຍານີ້, ພິທີສະເຫຼີມສະຫຼອງວັນຄູປີ 2019 ກໍຄືພິທີຍ້ອງຍໍຄະນະແລະບຸກຄົນທີ່ກ້າວໜ້າໃນວຽກງານການສຶກສາທົ່ວປະເທດໄດ້ຈັດຂຶ້ນຢູ່ນະຄອນຫຼວງປັກກິ່ງ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ພົບປະຕົວແທນຜູ້ທີ່ໄດ້ຮັບການຍ້ອງຍໍຢ່າງສະໜິດສະໜົມຢູ່ຫໍສະພາປະຊາຊົນແຫ່ງຊາດ, ກ່ອນອື່ນທ່ານໄດ້ສະແດງຄວາມຊົມເຊີຍຢ່າງຈິງໃຈແລະອົບອຸ່ນຕໍ່ຄະນະແລະບຸກຄົນກ້າວໜ້າທີ່ໄດ້ຮັບການຍ້ອງຍໍ ແລະ ສະແດງຄວາມຢື້ຢາມຖາມຂ່າວຕໍ່ຄູ, ອາຈານ ແລະ ພະນັກງານການສຶກສາໃນທົ່ວປະເທດໃນໂອກາດວັນຄູທີ່ໄດ້ໝູນວຽນມາເຖິງ.
ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກ, ນາຍົກລັດຖະມົນຕີຈີນ ແລະ ທ່ານຫວາງຮູ້ໜິງ ກຳມະການປະຈຳກົມການເມືອງສູນກາງພັກ, ເລຂາທິການສູນກາງພັກກອມມູນິດຈີນໄດ້ເຂົ້າຮ່ວມການພົບປະດັ່ງກ່າວເຊັ່ນດຽວກັນ.