ສະຖານີວິທະຍຸໂທລະພາບສູນກາງຈີນໄດ້ເຜີຍແຜ່ບົດຄວາມທີ່ພາດຫົວຂໍ້ວ່າ: “ປັດໄຈທາງບວກໃນດ້ານການພັດທະນາເສດຖະກິດທີ່ມີຄຸນນະພາບສູງຂອງຈີນໄດ້ເພີ່ມຂຶ້ນຢ່າງບໍ່ຢຸດຢັ້ງ”.
ບົດຄວາມຊີ້ໃຫ້ເຫັນວ່າ: ອົງການສະຖິຕິແຫ່ງຊາດຈີນໄດ້ເປີດເຜີຍຕົວເລກຂໍ້ມູນຫຼ້າສຸດໂດຍສະແດງໃຫ້ເຫັນວ່າ: ຄວາມຕ້ອງການພາຍໃນຂອງຈີນຄືຄວາມສາມາດບົ່ມຊ້ອນທີ່ໃຫຍ່ຫຼວງ. ໃນ 8 ເດືອນທຳອິດປີນີ້, ໂດຍລວມແລ້ວເສດຖະກິດຈີນສາມາດຮັກສາການເຕີບໂຕຢ່າງໝັ້ນທ່ຽງ,ເຊິ່ງໄດ້ຮັບຜົນປະໂຫຍດຈາກມາດຕະການຕ່າງໆຂອງລັດຖະບານຈີນ,ແລະໄດ້ອອກນະໂຍບາຍທີ່ດີຢ່າງບໍ່ຢຸດຢັ້ງ.
ບົດຄວາມເນັ້ນວ່າ: ວິສາຫະກິດຈີນໄດ້ຍຶດໝັ້ນການດຳເນີນທຸລະກິດດ້ວຍການປະດິດສ້າງໃໝ່ແລະເລັ່ງລັດການຫັນປ່ຽນຮູບແບບການພັດທະນາແລະຍົກລະດັບສູງຂຶ້ນຢ່າງບໍ່ຢຸດຢັ້ງມາໂດຍຕະຫຼອດ,ໄດ້ເພີ່ມພະລັງແຮງພາຍໃນຂອງຕົນປະກອບສ່ວນເຂົ້າໃນການບັນລຸການພັດທະນາເສດຖະກິດຈີນດ້ວຍຄຸນນະພາບສູງ. ໃນການຈັດອັນດັບລາຍຊື່ “ວິສາຫະກິດທີ່ເຂັ້ມແຂງ 500 ແຫ່ງໃນໂລກ” ທີ່ລົງໃນວາລະສານ “Fortune Magazine” ປີ 2019, ຈຳນວນວິສາຫະກິດຈີນໄດ້ກວມຫຼາຍກວ່າວິສາຫະກິດອາເມຣິກາເປັນຄັ້ງທຳອິດ. ໂດຍຜະເຊີນກັບສະພາບຄວາມບໍ່ແນ່ນອນຂອງເສດຖະກິດໂລກ,ໃນອະນາຄົດ, ຈີນຍັງຈະຮັກສາຄວາມຕໍ່ເນື່ອງແລະຄວາມໝັ້ນຄົງດ້ານນະໂຍບາຍມະຫາພາກ, ສ້າງຄວາມແນ່ນອນໃຫ້ແກ່ເສດຖະກິດໂລກທີ່ມີການເຕີບໂຕຢ່າງຕໍ່ເນື່ອງ.