ງານວາງສະແດງຮູບພາບ ລາວ -ຈີນ ພາຍໃຕ້ຫົວຂໍ້ ພະລັງແຫ່ງການກ້າວເດີນ
ວິທະຍຸສາກົນ ແຫ່ງ ປະ ເທດຈີນ (CRI) ປະຈຳ ລາວ ໄດ້ ຈັດພິທີເປີດງານວາງສະແດງ ຮູບພາບ ພາຍໃຕ້ຫົວຂໍ້ “ພະລັງແຫ່ງການກ້າວ ເດີນ” ໃນລະຫວ່າງວັນທີ 25 ກັນຍາ ຫາ 2 ຕຸລາ 2019 ທີ່ ສູນການຄ້າວຽງ ຈັນເຊັນເຕີ ນະຄອນຫລວງວຽງຈັນ, ເນື່ອງໃນໂອກາດວັນສະຖາປະນາ ສປ ຈີນ ຄົບຮອບ70ປີ, ໂດຍໄດ້ລວບລວມເອົາບັນດາຜົນງານ ຊ່າງພາບ ຂອງຈີນ ແລະ ຊ່າງພາບລາວທີ່ດີເດັ່ນມາວາງສະແດງ, ເຊິ່ງໃຫ້ກຽດເຂົ້າຮ່ວມໂດຍ ທ່ານ ປິ່ນປາດຖະໜາ ພັນທະມາລີ ຫົວໜ້າກົມສື່ມວນຊົນ ກະຊວງຖະແຫລງຂ່າວ,ວັດທະນະທຳແລະທ່ອງທ່ຽວລາວ, ທ່ານ ບົວແກ້ວ ພູມວົງໄຊ ຫົວໜ້າກົມການຂ່າວ ກະຊວງການຕ່າງປະເທດລາວ, ທ່ານ ຈ້າວເສີງກ່າງ ທີ່ປຶກສາການເມືອງ ສະຖານທູດ ສປ ຈີນ ປະຈໍາ ສປປ ລາວ, ພ້ອມດ້ວຍແຂກທີ່ຖືກເຊີນເຂົ້າຮ່ວມຢ່າງຫຼວງຫຼາຍ.
ງານວາງສະແດງຮູບພາບດັ່ງກ່າວໄດ້ສ່ອງແສງໃຫ້ເຫັນເຖິງການປ່ຽງແປງຂອງຈີນໃນໄລຍະ 70 ປີຜ່ານມາ, ໂດຍຜ່ານຫົວຂໍ້ຕ່າງໆ,ເຊັ່ນ: ວັດທະນະທໍາທີ່ເປັນມູນເຊື້ອ, ສັນຍາລັກດ້ານສິ່ງກໍ່ສ້າງ, ຄວາມຄິດສ້າງສັນແລະອື່ນໆ. ສ່ອງແສງໃຫ້ເຫັນເຖິງຜົນສໍາເລັດດ້ານການຮ່ວມມືທີ່ບົນຈິດໃຈມິດຕະພາບລະຫວ່າງສອງປະເທດລາວ-ຈີນໃນຫລາຍປີມໍ່ໆມານີ້,ໂດຍຜ່ານຫົວຂໍ້ໂຄງການຮ່ວມມືອັນສໍາຄັນລະຫວ່າງສອງດ່າຍ, ເຊິ່ງເປັນການເພີ່ມທະວີຄວາມເຂົ້າອົກເຂົ້າໃຈກັນລະຫວ່າງປະຊາຊົນສອງຊາດ. ນອກນັ້ນ, ງານວາງສະແດງໃນຄັ້ງນີ້ຍັງມີກິດຈະກໍາດ້ານ ແສງສີ ໃຫ້ຜູ້ຊົມພາຍໃນງານໄດ້ຖ່າຍຮູບແບບ3 ມີຕິ.
ງານວາງສະແດງດັ່ງກ່າວ ເປີດໃຫ້ຊົມໂດຍບໍ່ເສຍຄ່າ. ນອກຈາກນັ້ນ, ຍັງມີແຜນຈະໄປວາງສະແດງຢູ່ມະຫາວິທະຍາໄລແຫ່ງຊາດລາວເປັນ ເວລາ 1 ອາທິດ.