ເນື່ອງໃນໂອກາດການຄົ້ນພົບບໍ່ນ້ຳມັນຕ້າຊິ້ງຄົບຮອບ 60 ປີ, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມການການທະຫານສູນກາງຈີນໄດ້ຕາງໜ້າໃຫ້ສູນກາງພັກກອມມູນິດຈີນສົ່ງສານສະແດງຄວາມຊົມເຊີຍ ແລະສະແດງຄວາມຢື້ຢາມຖາມຂ່າວຢ່າງຈິງໃຈເຖິງພະນັກງານບໍ່ນ້ຳມັນຕ້າຊິ້ງ, ພະນັກງານບຳນານ ກໍຄືຄອບຄົວຂອງເຂົາເຈົ້າທຸກຖ້ວນໜ້າ.
ທ່ານສີຈິ້ນຜິງກ່າວວ່າ: ເມື່ອ 60 ປີກ່ອນໜ້ານີ້, ສູນກາງພັກກອມມູນິດຈີນໄດ້ຕັດສິນໃຈຍ້າຍການສຳຫຼວດແຫຼ່ງນ້ຳມັນສູ່ພາກຕາເວັນອອກ, ພະນັກງານສຳຫຼວດນ້ຳມັນ ແລະນັກທໍລະນີສາດຈຳນວນຫຼວງຫຼາຍໄດ້ຜ່ານຜ່າຄວາມຫຍຸ້ງຍາກ ແລະໃນທີ່ສຸດກໍໄດ້ຄົ້ນພົບບໍ່ນ້ຳມັນຕ້າຊິ້ງ ເຊິ່ງມີຄວາມໝາຍສຳຄັນຕໍ່ປະຫວັດສາດການຄົ້ນພົບນ້ຳມັນໃນຈີນ. ໃນ 60 ປີຜ່ານມາ, ການປະກອບສ່ວນທີ່ສຳຄັນຂອງບໍ່ນ້ຳມັນຕ້າຊິ້ງໄດ້ຖືກຈາລຶກໄວ້ໃນປະຫວັດສາດຂອງຊາດ, ນ້ຳໃຈຕ້າຊິ້ງ ແລະນ້ຳໃຈຄົນກ້າກໍກາຍເປັນສ່ວນປະກອບທີ່ສຳຄັນຂອງນ້ຳໃຈຊາດຈີນທີ່ຍິ່ງໃຫຍ່.
ທ່ານສີຈິ້ນຜິງກ່າວເນັ້ນວ່າ: ເມື່ອຢືນຢູ່ຈຸດເລີ່ມຕົ້ນໃໝ່ແຫ່ງປະຫວັດສາດ, ຫວັງວ່າພະນັກງານທຸກຖ້ວນໜ້າຂອງບໍ່ນ້ຳມັນຕ້າຊິ້ງຈະສາມາດມີການປະຕິຮູບ ແລະປະດິດສ້າງໃໝ່ຢ່າງບໍ່ຢຸດຢັ້ງ, ຊຸກຍູ້ການພັດທະນາທີ່ມີຄຸນນະພາບສູງ, ສ້າງຄວາມເປັນແບບຢ່າງ ແລະສ້າງບໍ່ນ້ຳມັນຄົບຮອບ 100 ປີ, ປະກອບສ່ວນຫຼາຍກວ່າເກົ່າໃນການບັນລຸເປົ້າໝາຍສູ້ຊົນໃນ “ວັນຄົບຮອບ 100 ປີແຫ່ງການສ້າງຕັ້ງສປ ຈີນ ແລະສ້າງຕັ້ງພັກກອມມູນິດຈີນ” ກໍຄືບັນລຸການຟື້ນຟູຄວາມຈະເລີນຮຸ່ງເຮືອງຂອງຊົນຊາດຈີນຄືນໃໝ່.