ວັນທີ 12 ກັນຍານີ້, CRI ໄດ້ອອກບົດວິເຄາະທີ່ພາດຫົວຂໍ້ວ່າ “ຍຶດໝັ້ນການສະແຫວງຫາສິ່ງທີ່ຄືກັນ ສະຫງວນສິ່ງທີ່ຕ່າງກັນ ເພື່ອແກ້ໄຂບັນຫາຢ່າງຕິດແທດຕົວຈິງ”.
ບົດວິເຄາະຂຽນວ່າ, ວັນທີ 11 ກັນຍານີ້, ການປຶກສາຫາລືລະດັບສູງທາງເສດຖະກິດການຄ້າຈີນອາເມລິກາຮອບໃໝ່ໄດ້ສິ້ນສຸດລົງຢູ່ວໍຊີງຕັນ, ສອງຝ່າຍໄດ້ມີຄວາມຄືບໜ້າຕົວຈິງ, ແລະໄດ້ປຶກສາຫາລືເຖິງແຜນການປຶກສາຫາລືກັນໃນຄັ້ງຕໍ່ໄປ, ໝາກຜົນຂອງການປຶກສາຫາລືຄັ້ງນີ້ເປັນໜ້າຍ້ອງຍໍຊົມເຊີຍ. ທ່າທີການເຮັດວຽກຢ່າງຕິດແທດຕົວຈິງແລະການສະແຫວງຫາສິ່ງທີ່ຄືກັນ, ສະຫງວນສິ່ງທີ່ແຕກຕ່າງກັນ ເຊິ່ງສອງຝ່າຍຈີນອາເມລິກາສະແດງອອກໃນການປຶກສາຫາລືຮອບນີ້, ແມ່ນການກະທຳທີ່ສົມເຫດສົມຜົນແລະແມ່ນການປົກປ້ອງບໍ່ໃຫ້ສົງຄາມການຄ້າຮ້າຍແຮງຂຶ້ນ.
ບົດວິເຄາະເນັ້ນວ່າ, ຖ້າຈີນອາເມລິກາຖືກຕ້ອງປອງດອງກັນຕ່າງຝ່າຍຕ່າງຈະໄດ້ຮັບຜົນປະໂຫຍດ, ຖ້າເປັນປໍລະປັກກັນຈະເສຍຜົນປະໂຫຍດທັງສອງຝ່າຍ. ຝ່າຍຈີນຍິນດີແກ້ໄຂບັນຫາໂດຍຜ່ານການປຶກສາຫາລືແລະຮ່ວມມືດ້ວຍທ່າທີສຸຂຸມຮອບຄອບ, ແຕ່ຈະບໍ່ຜ່ອນສັ້ນຜ່ອນຍາວໃນບັນຫາຫຼັກການສຳຄັນຂອງຕົນ. ບໍ່ວ່າສະພາບການຈະປ່ຽນແປງຜັນແປໄປແນວໃດກໍຕາມ, ຈີນກໍ່ຈະລົງເລິກການປະຕິຮູບແລະເປີດກວ້າງການເປີດປະຕູສູ່ພາຍນອກຢ່າງບໍ່ຢຸດຢັ້ງ, ເພື່ອບັນລຸການພັດທະນາເສດຖະກິດດ້ວຍຄຸນນະພາບສູງ, ເຖິງຈະເພື່ອຮັບມືກັບທຸກສະພາບການທີ່ຈະເກີດຂຶ້ນ.