ຕົວເລກສະຖິຕິຂອງການພາສີແຫ່ງຊາດຈີນສະແດງໃຫ້ເຫັນວ່າ, ໃນ 3 ໄຕມາດຕົ້ນປີນີ້ ຍອດມູນຄ່າຂາເຂົ້າຂາອອກຂອງຈີນບັນລຸ 22.910 ຕື້ຢວນ, ເພີ່ມຂຶ້ນ 2,8% ເມື່ອທຽບໃສ່ໄລຍະດຽວກັນຂອງປີ 2018. ໃນນັ້ນ, ການຄ້າຂາອອກບັນລຸ 12.480 ຕື້ຢວນ, ເພີ່ມຂຶ້ນ 5,2%, ການຄ້າຂາເຂົ້າ 10.430 ຕື້ຢວນ, ຫຼຸດລົງ 0,1%, ໄດ້ປຽບດຸນການຄ້າ 2.050 ຕື້ຢວນ, ເພີ່ມຂຶ້ນ 44,2%.
ວັນທີ 14 ຕຸລານີ້, ທ່ານຫຼີຄຸຍເວີນ ໂຄສົກອົງການພາສີອາກອນແຫ່ງຊາດຈີນ ທັງເປັນຫົວໜ້າກົມສະຖິຕິ ແລະ ວິເຄາະກ່າວວ່າ, ໃນ 3 ໄຕມາດຂອງປີນີ້, ການຄ້າຂາເຂົ້າຂາອອກຂອງຈີນເຄື່ອນໄຫວໄດ້ຢ່າງໝັ້ນຄົງໂດຍລວມ ພ້ອມທັງໄດ້ຍົກສູງຄຸນນະພາບແລ້ວ. ໃນ 3 ໄຕມາດປີນີ້, ຄູ່ການຄ້າອັນດັບທີໜຶ່ງ ແລະ ທີສອງຂອງຈີນແມ່ນສະຫະພາບເອີລົບ ແລະ ອາຊຽນ, ຕ່າງກໍໄດ້ສົ່ງອອກສິນຄ້າທີ່ມີມູນຄ່າ 3.570 ຕື້ຢວນ ແລະ 3.140 ຕື້ຢວນ, ຕ່າງກໍໄດ້ເພີ່ມຂຶ້ນ 8,6% ແລະ 11,5% ຕາມລຳດັບ.