ກອງປະຊຸມເວທີປຶກສາຫາລືການພັດທະນາພະລັງງານກາກບອນຕ່ຳທ້າຍຢວນປີ 2019 ໄດ້ຈັດຂຶ້ນຢູ່ນະຄອນທ້າຍຢວນແຂວງຊ່ານຊີ່ຈີນໃນວັນທີ 22 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍຕໍ່ກອງປະຊຸມດັ່ງກ່າວ.
ສານຊົມເຊີຍຂອງທ່ານໄດ້ຂຽນວ່າ, ການພັດທະນາດ້ວຍພະລັງງານກາກບອນຕ່ຳພົວພັນເຖິງອະນາຄົດຂອງມວນມະນຸດ. ຈີນເອົາໃຈໃສ່ຢ່າງສູງຕໍ່ການພັດທະນາພະລັງງານກາກບອນຕ່ຳ, ຕັ້ງໜ້າຊຸກຍູ້ການປະຕິວັດດ້ານການບໍລິໂພກ, ການສະໜອງ, ເຕັກນິກ ແລະ ລະບຽບການທາງດ້ານພະລັງງານ. ຈີນຍິນດີຮ່ວມກັນກັບປະຊາຄົມໂລກ, ເພີ່ມທະວີການຮ່ວມມືດ້ານພະລັງງານຢ່າງຮອບດ້ານ, ສົ່ງເສີມຄວາມປອດໄພດ້ານພະລັງງານ, ຮັບມືກັບການປ່ຽນແປງຂອງດິນຟ້າອາກາດ, ປົກປ້ອງລະບົບນິເວດ ແລະ ຊຸກຍູ້ການພັດທະນາແບບຍືນຍົງ ເພື່ອສ້າງຄວາມຜາສຸກໃຫ້ແກ່ປະຊາຊົນບັນດາປະເທດໃນໂລກ.