ວັນທີ 4 ພະຈິກນີ້ CRI ໄດ້ອອກບົດວິເຄາະທີ່ພາດຫົວຂໍ້ວ່າ “ສະຖານທີ່ວາງສະແດງ” ຂອງງານວາງສະແດງສິນຄ້ານຳເຂົ້າ ສາກົນຈີນຄັ້ງທີ່ສອງເຕັມໝົດແລ້ວ, ຕະຫຼາດຈີນມີກຳລັງບົ່ມຊ້ອນກວ່າທີ່ຄິດ.
ບົດວິເຄາະລະບຸວ່າ, ງານວາງສະແດງສິນຄ້ານຳເຂົ້າສາກົນຈີນຄັ້ງທີ 2 ຈະຈັດຂຶ້ນຢູ່ນະຄອນຊຽງໄຮ້ ສປ ຈີນໃນວັນທີ 5 ພະຈິກນີ້. ຍ້ອນວ່າງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໄດ້ຮັບຜົນສຳເລັດຢ່າງໃຫຍ່ຫຼວງ, ສະນັ້ນງານວາງສະແດງສິນຄ້ານຳເຂົ້າສາກົນຈີນຄັ້ງນີ້ກໍໄດ້ຄວາມສົນໃຈແລະຄວາມຄາດຫວັງ, ຈຳນວນປະເທດ, ວິສາຫະກິດແລະສິນຄ້າທີ່ເຂົ້າຮ່ວມງານວາງສະແດງຄັ້ງນີ້ລ້ວນແຕ່ຫຼາຍກວ່າງານວາງສະແດງເທື່ອແລ້ວນີ້, ເຖິງວ່າສະຖານທີ່ແລະເນື້ອທີ່ວາງສະແດງລ້ວນແຕ່ໄດ້ຂະຫຍາຍໃຫ້ກວ້າງອອກຕື່ມແລ້ວ, ແຕ່ກໍເຕັມໝົດ, ເລື່ອງນີ້ສະແດງໃຫ້ເຫັນວ່າ, ພາຍໃຕ້ສະພາບການທີ່ເສດຖະກິດໂລກປະສົບແຮງກົດດັນດ້ານການພັດທະນາໃນປັດຈຸບັນ, ຄວາມຫວັງຂອງປະເທດຕ່າງໆໃນໂລກຕໍ່ການເຂົ້າເຖິງຕະຫຼາດຈີນນັບມື້ນັບຫຼາຍຂຶ້ນກວ່າເກົ່າເພື່ອຈະໄດ້ຜົນປະໂຫຍດຈາກການພັດທະນາຢ່າງວ່ອງໄວຂອງຈີນ. ໂດຍສະເພາະພາຍໃຕ້ສະພາບການທີ່ລັດທິປົກປ້ອງການຄ້າ, ລັດທິຝ່າຍດຽວຟື້ນຕົວຄືນໃໝ່, ການຄ້າແລະການລົງທຶນຂອງໃນຊ້າລົງ, ຕະຫຼາດຈີນທີ່ເປີດປະຕູສູ່ພາຍນອກຢ່າງບໍ່ຢຸດຢັ້ງແມ່ນໂອກາດທີ່ດີທີ່ໃຜໆກໍບໍ່ຢາກພາດໂອກາດຢ່າງເດັດຂາດ. ສິ່ງທີ່ສຳຄັນກວ່ານັ້ນກໍຄື, ງານວາງສະແດງສິນຄ້ານຳເຂົ້າສາກົນຈີນໄດ້ກາຍເປັນປະຕູທີ່ພາຍນອກສາມາດສັງເກດເຫັນນະໂຍບາຍເປີດປະຕູສູ່ພາຍນອກຂອງຈີນ. ງານວາງສະແດງສິນຄ້ານຳເຂົ້າສາກົນຈີນທີ່ມີຂະໜາດໃຫຍ່ກວ່າເກົ່າ, ມີຄຸນນະພາບດີກວ່າເກົ່າແລະມີການເຄື່ອນໄຫວອຸດົມສົມບູນກວ່າເກົ່າໄດ້ສະແດງໃຫ້ເຫັນຄວາມຕັດສິນໃຈອັນເດັດດ່ຽວຂອງຈີນທີ່ສະໜັບສະໜູນລະບົບການຄ້າຫຼາຍຝ່າຍແລະຊຸກຍູ້ການພັດທະນາການຄ້າເສລີອີກຄັ້ງໜຶ່ງຕໍ່ທົ່ວໂລກ.