ໄຂງານວາງສະແດງສິນຄ້ານຳເຂົ້າສາກົນຈີນຄັ້ງທີ 2 ທ່ານສີຈິ້ນຜິງກ່າວຄຳປາໄສໃນພິທີ
2019-11-05 19:17:30 |ມາຈາກ: CRI
ວັນທີ 5 ພະຈິກນີ້, ງານວາງສະແດງສິນຄ້ານຳເຂົ້າສາກົນຈີນຄັ້ງທີ 2 ໄດ້ໄຂຂຶ້ນຢູ່ນະຄອນຊຽງໄຮ້ຂອງຈີນ. ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມພິທີໄຂແລະກ່າວຄຳປາໄສ.
ງານວາງສະແດງສິນຄ້ານຳເຂົ້າສາກົນຈີນຄັ້ງນີ້ມີຫົວຂໍ້ວ່າ“ຍຸກໃໝ່, ຊົມໃຊ້ອະນາຄົດຮ່ວມກັນ”, ມີວິສາຫະກິດ 3000 ກວ່າແຫ່ງຈາກ 150 ກວ່າປະເທດແລະເຂດແຄວ້ນຂອງໂລກໄດ້ເຂົ້າຮ່ວມ, ມີປະເທດທີ່ເຂົ້າຮ່ວມໃໝ່ຫຼາຍກວ່າ 1 ສ່ວນ 3, ກວມເອົາ 5 ທະວີບ. ມີນັກທຸລະກິດຝ່າຍຈັດຊື້ຈາກທຸກຂະແໜງການ, ໃນນັ້ນ, ຜູ້ທີ່ມາຈາກຕ່າງປະເທດມີຫຼາຍກວ່າ 7000 ຄົນ.
ຜູ້ນຳຫຼາຍປະເທດເຊັ່ນ:ທ່ານມາຄຣົງ ປະທານາທິບໍດີຝຣັ່ງ ແລະທ່ານອື່ນໆ, ພ້ອມທັງຜູ້ອຳນວຍການໃຫຍ່ອົງການການຄ້າໂລກຫຼື WTO ໄດ້ເຂົ້າຮ່ວມພິທີໄຂແລະກ່າວປາໄສ.