ຕອນຄ່ຳວັນທີ 10 ພະຈິກນີ້ ຕາມເວລາທ້ອງຖິ່ນ, ທ່ານສີຈີ້ນຜີງ ປະທານປະເທດຈີນໄດ້ຂີ່ເດີນທາງເຖິງສະໜາມບິນເອເທນດ້ວຍເຮືອບິນພິເສດ ແລະ ເລິ່ມຢ້ຽມຢາມສາທາລະນະລັດເກຼັກທາງລັດຖະກິດ.
ທ່ານສີຈີ້ນຜີງໄດ້ຕາງໜ້າໃຫ້ລັດຖະບານຈີນ ແລະ ປະຊາຊົນຈີນສະແດງຄວາມຢື້ຢາມຖາມຂ່າວອັນຈິງໃຈ ແລະ ກ່າວຄຳອວຍພອນອັນປະເສີດໄປຍັງລັດຖະບານ ແລະ ປະຊາຊົນເກຼັກ. ທ່ານສີຈີ້ນຜິງກ່າວວ່າ, ວັດທະນະທຳຈີນ-ເກຼັກໄດ້ມີການພົວພັນເຊື່ອມຕໍ່ເຊິ່ງກັນແລະກັນ, ການໄປມາຫາສູ່ດ້ວຍຈິດໃຈມິດຕະພາບມີມາແຕ່ບູຮານນະການ. ໃນຖານະທີ່ເປັນປະເທດທີ່ມີອາລະຍະທຳເກົ່າແກ່, ຈີນ ກັບ ເກຼັກລ້ວນແຕ່ສະໜັບສະໜູນການແລກປ່ຽນ ແລະ ການສົນທະນາທາງອາລະຍະທຳ ເພື່ອຊຸກຍູ້ໃຫ້ອາລະຍະທຳທີ່ແຕກຕ່າງກັນຢູ່ຮ່ວມກັນດ້ວຍຄວາມປອງດອງ. ຊຸມປີມໍ່ໆມານີ້, ການພົວພັນຈີນ-ເກຼັກໄດ້ຂະຫຍາຍຕົວຂຶ້ນສູ່ລະດັບສູງ, ຜູ້ນຳຂັ້ນສູງໄດ້ແລະປ່ຽນການໄປມາຫາສູ່ກັນຢ່າງໃກ້ຊິດ, ໄດ້ລົງເລິກສ້າງຄວາມໄວ້ເນື້ອເຊື່ອໃຈກັນທາງການເມືອງຢ່າງບໍ່ຢຸດຢັ້ງ, ຈີນ ແລະ ເກຼັກພ້ອມກັນກໍ່ສ້າງ “ໜຶ່ງແລວໜຶ່ງເສັ້ນທາງ” ໂດຍຖືເອົາໂຄງການທ່າກຳປັ່ນບີຣາອຸຍສເປັນຂີດໝາຍນັ້ນໄດ້ປະສົບຜົນສຳເລັດຢ່າງສົມບູນ, ສອງປະເທດໄດ້ຮັກສາການແລກປ່ຽນ ແລະ ປະສານງານກັນຢ່າງໃກ້ຊິດໃນບັນຫາສຳຄັນຂອງສາກົນ ແລະ ພາກພື້ນ, ໄດ້ປະກອບສ່ວນເຂົ້າໃນການສ້າງສັນຕິພາບ, ສະຖຽນລະພາບ, ການພັດທະນາ ແລະ ຄວາມຈະເລີນຮຸ່ງເຮືອງຂອງໂລກ.
ທ່ານສີຈີ້ນຜິງຊີ້ອອກວ່າ, ປັດຈຸບັນ, ຈີນ ແລະ ເກຼັກລ້ວນແຕ່ຢູ່ໃນໄລຍະແຫ່ງການພັດທະນາອັນສຳຄັນຂອງຕົນ, ສອງຝ່າຍຄວນລົງເລິກການພົວພັນລະຫວ່າງສອງປະເທດ ແລະ ເປີດກວ້າງການຮ່ວມມືທີ່ຕິດແທດຕົວຈິງ ເຊິ່ງສອດຄ່ອງກັບຜົນປະໂຫຍດພື້ນຖານຂອງສອງຝ່າຍກໍ່ຄືປະຊາຊົນສອງປະເທດ. ຂ້າພະເຈົ້າຫວັງໃຫ້ການແລກປ່ຽນຄວາມຄິດຄວາມເຫັນໃນດ້ານການພົວພັນຈີນ-ເກຼັກມີຄວາມເລິກເຊິ່ງພາຍໃຕ້ສະພາບການໃໝ່ຮ່ວມກັບຜູ້ນຳເກຼັກ ເຊັ່ນ: ທ່ານປະທານາທິບໍດີໂປຼໂກປິສ ປາຟໂລປູໂລສ໌, ທ່ານນາຍົກກີເຮຍອາກັສ ມິດໂຊຕາກີສ ແລະ ທ່ານອື່ນໆ, ເພື່ອພ້ອມກັນກຳນົດແຜນການພັດທະນາການຮ່ວມມືລະຫວ່າງສອງປະເທດໃນອະນາຄົດ, ພ້ອມກັນເປີດປະຫວັດສາດໜ້າໃໝ່ໃນການຊຸກຍູ້ການພົວພັນຄູ່ຮ່ວມຍຸດທະສາດຮອບດ້ານຈີນ-ເກຼັກ.