ວັນທີ 26 ພະຈິກນີ້, ຂ່າວສານຊິນຮວາຂອງຈີນໄດ້ພິມບົດວິເຄາະທີ່ພາດຫົວຂໍ້ວ່າ “ການຕ້ານແລະປ້ອງກັນບໍ່ໃຫ້ເກີດເຫດການຄວາມຮຸນແຮງແລະຟື້ນຟູຄວາມເປັນລະບຽບຮຽບຮ້ອຍແມ່ນຄວາມປາຖະໜາຂອງປະຊາຊົນຮົງກົງ”
ບົດວິເຄາະລະບຸວ່າ, ໂດຍແນໃສ່ກໍລະນີທີ່ລັດຖະສະພາອາເມຣິກາໄດ້ຜ່ານ “ຮ່າງກົດໝາຍວ່າດ້ວຍສິດທິມະນຸດ ແລະ ປະຊາທິປະໄຕຮົງກົງປີ 2019”, ວົງການຕ່າງໆຂອງສັງຄົມຮົງກົງພາກັນກ່າວປະນາມ. ປັດຈຸບັນບັນຫາທີ່ຮົງກົງທີ່ພວມປະເຊີນຢູ່ນັ້ນບໍ່ແມ່ນບັນຫາສິດທິມະນຸດແລະບັນຫາປະຊາທິປະໄຕ, ຫາກແມ່ນບັນຫາທີ່ຕ້ານແລະປ້ອງກັນບໍ່ໃຫ້ເກີດເຫດການຄວາມຮຸນແຮງແລະຟື້ນຟູຄວາມເປັນລະບຽບຮຽບຮ້ອຍໂດຍໄວ.
ບົດວິເຄາະລະບຸຕື່ມວ່າ, ໃນ 5 ເດືອນປາຍຜ່ານມາ, ການກະທຳຜິດດ້ວຍຄວາມຮຸນແຮງທີ່ເກີດຂຶ້ນຢູ່ຮົງກົງຢ່າງຕໍ່ເນື່ອງນັ້ນ, ໄດ້ຢຽບຢ້ຳກົດໝາຍແລະລະບຽບທາງສັງຄົມຢ່າງໜັກໜ່ວງ, ໄດ້ທຳລາຍຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງຢ່າງຮ້າຍແຮງ, ທັງໄດ້ທ້າທາຍຕໍ່ເສັ້ນເພດານຕ່ຳສຸດຂອງຫຼັກການ “ປະເທດດຽວສອງລະບອບ” ຢ່າງໜັກໜ່ວງ.
ບົດວິເຄາະເນັ້ນໜັກວ່າ, ປະເທດແລະສັງຄົມໃດໆລ້ວນແຕ່ທົນບໍ່ໄດ້ເມື່ອເກີດເຫດການຄວາມຮຸນແຮງ, ຫາງສຽງທີ່ເປັນທຳທີ່ຕ້ານຄວາມຮຸນແຮງໄດ້ດັງຂຶ້ນຢູ່ທົ່ວເຂດພິເສດຮົງກົງ. ພາຍໃຕ້ການສະໜັບສະໜູນອັນເດັດດ່ຽວຈາກລັດຖະບານຈີນແລະປະຊາຊົນທົ່ວປະເທດຈີນ 1 ,4 ຕື້ຄົນ, ມີຄວາມພະຍາຍາມຮ່ວມກັນຂອງປະຊາຊົນຮົງກົງ 7 ລ້ານກວ່າຄົນ, ສັງຄົມຮົງກົງຍ່ອມສາມາດຈະເຕົ້າໂຮມພະລັງແຮງທາງບວກທີ່ເຂັ້ມແຂງເພື່ອຕ້ານແລະປ້ອງກັນບໍ່ໃຫ້ເກີດເຫດການຄວາມຮຸນແຮງ, ເຮັດໃຫ້ສົງຄົມຮົງກົງສາມາດຟື້ນຟູຄວາມສະຫງົບສຸກໄດ້ຢ່າງແນ່ນອນ.