ສະມາຄົມມຸສລິມຊີ່ນຈ່ຽງໄດ້ອອກຖະແຫຼງການກ່ຽວກັບສະພາຕ່ຳອາເມຣິກາຮັບຮອງ “ຮ່າງກົດໝາຍວ່າດ້ວຍນະໂຍບາຍສິດທິມະນຸດອຸຍເກີ 2019”, ເພື່ອຄັດຄ້ານຢ່າງເດັດດ່ຽວແລະກ່າວປະນາມຢ່າງຮຸນແຮງຕໍ່ອາເມຣິກາທີ່ໃສ່ຮ້າຍປ້າຍສີແລະບິດເບືອນນະໂຍບາຍຂອງຈີນທີ່ປະຕິບັດຢູ່ເຂດຊີ່ນຈ່ຽງ ແລະມີເຈດຕະນາໃຊ້ບັນຫາຊີ່ນຈ່ຽງມາກ່າວໂຈມຕີປະເທດຈີນ.
ຖະແຫຼງການຊີ້ໃຫ້ເຫັນວ່າ, “ຮ່າງກົດໝາຍ”ໄດ້ເບິ່ງຂ້າມຄວາມເປັນຈິງທີ່, ບິດເບືອນ, ໃສ່ຮ້າຍປາຍສີ ແລະ ຕຳໜິຢ່າງໄຮ້ເຫດຜົນຕໍ່ສະພາບສິດທິມະນຸດຂອງມຸສລິມເຂດຊີ່ນຈ່ຽງ, ເຊິ່ງຈະພາໃຫ້ປະຊາຊົນເຜົ່າຕ່າງໆຂອງເຂດຊີ່ນຈ່ຽງຄຽດແຄ້ນຢ່າງແຮງ.
ຖະແຫຼງການລະບຸວ່າ, ປັດຈຸບັນ, ເຂດຊີ່ນຈ່ຽງມີສຸເຫຼົ່າ 2 ໝື່ນກວ່າຫລັງ, ມີຜູ້ປະຕິບັດງານທາງສາສະໜາອິດສະລາມ 29 ພັນຄົນ. ມີສະຖາບັນອິສລາມ 10 ແຫ່ງ, ອິສລາມໄດ້ຮັບການສືບທອດແລະພັດທະນາຢ່າງແຂງແຮງ. ມາຮອດປັດຈຸບັນ, ເຂດຊີ່ນຈ່ຽງໄດ້ມີຊາວມຸສລິມ 5 ໝື່ນກວ່າຄົນໄປນະມັດສະການຢູ່ປະເທດຊາອຸດິດອາຣາເບຍ. ເລື່ອງຈິງໄດ້ຢັ້ງຢືນໃຫ້ເຫັນວ່າ, ຄວາມມີເສລີໃນການເຊື່ອຖືສາສະໜາໄດ້ຮັບການປະຕິບັດຢ່າງຮອບດ້ານຢູ່ເຂດຊີ່ນຈ່ຽງ, ສິດເສລີພາບໃນການເຊື່ອຖືສາສະໜາຂອງຊາວມຸສລິມໄດ້ຖືກຮັບປະກັນຕາມກົດໝາຍ. ໃນຫຼາຍປີທີ່ຜ່ານມາ, ແນວຄິດຫົວຮຸນແຮງໄດ້ເຊື່ອມຊຶມແລະແຜ່ລາມຢູ່ເຂດຊີ່ນຈ່ຽງ, ການກະທຳຮຸນແຮງແລະກໍ່ການຮ້າຍໄດ້ມີຂຶ້ນເລື້ອຍໆ, ໄດ້ຢຽບຢ່ຳສິດທິມະນຸດຂັ້ນພື້ນຖານຕ່າງໆຂອງປະຊາຊົນເຂດຊີ່ນຈ່ຽງ ເຊັ່ນ: ສິດດຳລົງຊີວິດ, ສິດຢູ່ລອດ, ສິດພັດທະນາແລະອື່ນໆຢ່າງຮ້າຍກາດ. ຕໍ່ໜ້າສຽງຮຽກຮ້ອງຢ່າງແຮງກ້າຂອງປະຊາຊົນເຜົ່າຕ່າງໆເຂດຊີ່ນຈ່ຽງທີ່ໃຫ້ລົງໂທດຕໍ່ການກະທຳທີ່ສ້າງຄວາມຮຸນແຮງແລະການກໍ່ການຮ້າຍ, ເຂດຊີ່ນເຈ່ຽງໄດ້ປາບປາມຢ່າງເຂັ້ມງວດຕາມກົດໝາຍ, ແລະໄດ້ເອົາໃຈໃສ່ປົວແປງຈາກແຫຼ່ງກຳເນີດ, ໄດ້ສ້າງຕັ້ງສູນຝຶກອົບຮົມວິຊາຊີບຕາມກົດໝາຍ, ຕັ້ງໜ້າດຳເນີນການຊ່ວຍເຫຼືອແລະສຶກສາອົບຮົມ, ຮັບປະກັນໃຫ້ສິດທິມະນຸດຂັ້ນພື້ນຖານຂອງພົນລະເມືອງບໍ່ຖືກລົບກວນແລະທຳຮ້າຍ. ເມື່ອຫວນຄືນພວກຫົວຮຸນແຮງທາງສາສະໜາ ທີ່ເບິ່ງຂ້າມກົດໝາຍ, ທຳລາຍລະບຽບສັງຄົມ, ບໍ່ເອົາຫົວຊານຳຊີວິດຂອງປະຊາຊົນ, ທຳຮ້າຍມວນຊົນທີ່ບໍ່ມີໂທດຫຍັງ, ການກະທຳເຫຼົ່ານີ້ແມ່ນການຢຽບຢ່ຳຈິດໃຈທີ່ສະຫງົບຂອງສາສະໜາອິສລາມ, ເປັນຜົນຮ້າຍໃຫຍ່ທີ່ສຸດຂອງສາສະໜາອິສລາມ, ແລະແມ່ນສິ່ງທີ່ຊາວມຸສລິມບໍ່ຢາກພົບພໍ້.
ເຂດຊີ່ນຈ່ຽງໄດ້ຮັກສາຄວາມຈະເລີນຮຸ່ງເຮືອງແລະຄວາມໝັ້ນຄົງ, ຊົນເຜົ່າຕ່າງໆສາມັກຄີກັນ, ແລະສາສະໜາມີຄວາມປອງດອງກັນ 3 ປີລຽນຕິດແລ້ວ, ສິ່ງເຫຼົ່ານີ້ກໍ່ແມ່ນການຕອບໂຕ້ຄືນຢ່າງແຂງແຮງທີ່ສຸດຕໍ່ຖ້ອຍຄວາມບິດເບືອນຂອງອາເມຣິກາ. ສະມາຄົມອິສລາມເຂດຊີ່ນຈ່ຽງ ຕາງໜ້າຊາວມຸສລິມຊົນເຜົ່າຕ່າງໆໃນທົ່ວເຂດຊີ່ນຈ່ຽງແຈ້ງໃຫ້ອາເມຣິກາຊາບວ່າ: ຢ່າຊູປ້າຍສິດທິມະນຸດແລະສາສະໜາຂຶ້ນມາໂດຍເບິ່ງຂ້າມຄວາມເປັນຈິງແລະປິ້ນຂາວເປັນດຳ, ກ່ຽວກັບສິດທິມະນຸດຂອງຊາວມຸສລິມເຂດຊີ່ນຈ່ຽງ, ພວກເຮົາເທົ່ານັ້ນຈຶ່ງມີສິດກ່າວວິຈານກວ່າຄົນອື່ນ.