ຫວ່າງມໍ່ໆນີ້, ບຸກຄົນໃນວົງການຕ່າງໆແລະປະຊາຊົນເຜົ່າຕ່າງໆຢູ່ເຂດຊິ່ນຈ່ຽງກ່າວວ່າ: ກົດໝາຍກ່ຽວກັບເຂດຊິ່ນຈ່ຽງທີ່ອາເມລິກາຜ່ານການຮັບຮອງນັ້ນ ບໍ່ໄດ້ເອົາຫົວຊານຳຄວາມເປັນຈິງ ປີ້ນຂາວເປັນດຳ, ພວກເຮົາບໍ່ອະນຸຍາດໃຫ້ອິດທິກຳລັງພາຍນອກຕັ້ງກຸ່ມແກ້ງເພື່ອທຳລາຍຄວາມສະຫງົບແລະຄວາມສາມັກຄີທີ່ດີງາມຂອງເຂດຊິ່ນຈ່ຽງຢ່າງເດັດຂາດ, ອະນາຄົດຂອງເຂດຊິ່ນຈ່ຽງແນ່ນອນຈະດີງາມກວ່າເກົ່າ.
ທ່ານນາງ ຫຼີຈ່ວນ, ຫົວໜ້າກຳມາທິການວຽກງານກົດໝາຍຂອງຄະນະກຳມະການປະຈຳສະພາປະຊາຊົນເຂດປົກຄອງຕົນເອງອຸຍເກີຊິ່ນຈ່ຽງ ກ່າວວ່າ, ອັນທີ່ເອີ້ນວ່າ ກົດໝາຍວ່າດ້ວຍນະໂຍບາຍສິດທິມະນຸດອຸຍເກີປີ 2019, ເປັນການແຊກແຊງວຽກງານພາຍໃນຂອງຈີນຢ່າງໜັກໜ່ວງ.
ທ່ານກ່າວວ້າງເຊີ້ງ, ສະມາຊິກໜ່ວຍພັກ ຮອງຫົວໜ້າພະແນກເຕັກນິກເຂດຊິ່ນຈ່ຽງຈີນກ່າວວ່າ, ໃນຖານະເປັນພະນັກງານທີ່ມາຊ່ວຍວຽກຢູ່ເຂດຊິ່ນຈ່ຽງ, ຕົນເອງໄດ້ເປັນສັກຂີພິຍານໃຫ້ແກ່ການພັດທະນາແລະການປ່ຽນແປງຢູ່ເຂດຊິ່ນຈ່ຽງ. ປັດຈຸບັນ, ເສດຖະກິດເຂດຊິ່ນຈ່ຽງພວມໄດ້ຮັບການພັດທະນາຢ່າງບໍ່ຢຸດຢັ້ງ, ສັງຄົມມີຄວາມສະຫງົບແລະກົມກຽວ, ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນຢ່າງບໍ່ຢຸດຢັ້ງ, ສາສະໜາຕ່າງໆມີຄວາມປອງດອງກັນ, ປະຊາຊົນເຜົ່າຕ່າງໆມີຄວາມສາມັກຄີກັນຢ່າງແໜ້ນແຟ້ນ.
ທ້າວ ກາເຊັນມູ້ຈ່ຽງ ເຮລີລີ, ທີ່ຮຽນຈົບຈາກສູນຝຶກອົບຮົມວິຊາຊີບໃນນະຄອນເຮີທຽນເຂດຊິ່ນຈ່ຽງ ໄດ້ກ່າວຕອບໂຕ້ຕາມປະສົບການຂອງຕົນເອງວ່າ: ໂຮງຮຽນບໍ່ພຽງແຕ່ໄດ້ກຳຈັດແນວຄິດຫົວຮຸນແຮງທາງສາສະໜາໃຫ້ຂ້ອຍເທົ່ານັ້ນ, ຍັງໄດ້ສ້າງສະຕິດ້ານກົດໝາຍ ແລະຄວາມຮູ້ຄວາມສາມາດຢ່າງຫຼວງຫຼາຍໃຫ້ຂ້ອຍ. ຫຼັງຈາກຮຽນຈົບແລ້ວ, ຂ້ອຍຍັງໄດ້ເປີດບໍລິສັດຂອງຕົນ, ຖ້າບໍ່ມີໂອກາດໄປສຶກສາ, ກໍ່ບໍ່ຮ່ອນຈະມີຜົນສຳເລັດຄືໃນປັດຈຸບັນນີ້.