ວັນທີ 9 ທັນວານີ້, ກອງປະຊຸມຄັ້ງທີ 4 ແລະ ກິດຈະກຳລະນຶກວັນສ້າງຕັ້ງຄະນະກຳມະການຂອງສູນພາກພື້ນອາຊີປາຊິກ ເພື່ອການສຶກສາວິທະຍາສາດແລະເຕັກໂນໂລຢີອະວະກາດ ຄົບຮອບ 5 ປີ ໄດ້ຈັດຂຶ້ນຢູ່ນະຄອນຫຼວງປັກກິ່ງ. ໃນກອງປະຊຸມ, ທ່ານຈ່າງເຄີ້ຈຽນ, ຫົວໜ້າອົງການການບິນອະວະກາດແຫ່ງຊາດຈີນກ່າວວ່າ: ຫວັງວ່າ ໂດຍຜ່ານການເພີ່ມທະວີການແລກປ່ຽນຢ່າງບໍ່ຢຸດຢັ້ງ, ການປະດິດສ້າງຮູບແບບການຮ່ວມມືໃໝ່ແລະເປີດກວ້າງຂົງເຂດການຮ່ວມມື, ຈະເຮັດໃຫ້ເຕັກນິກການບິນອະວະກາດສ້າງຜົນປະໂຫຍດໃຫ້ແກ່ປະເທດແລະປະຊາຊົນຫຼາຍກວ່າເກົ່າ.
ສູນພາກພື້ນອາຊີປາຊິກ ເພື່ອການສຶກສາວິທະຍາສາດແລະເຕັກໂນໂລຢີອະວະກາດທີ່ຂຶ້ນກັບອົງການສະຫະປະຊາຊາດສ້າງຂຶ້ນໃນປີ 2014, ແມ່ນອົງການສຶກສາວິທະຍາສາດແລະເຕັກໂນໂລຢີອະວະກາດລະຫວ່າງລັດຖະບານແຫ່ງທຳອິດຂອງພາກພື້ນອາຊີປາຊິຟິກ. ໃນ 5 ປີທີ່ຜ່ານມາ, ສູນດັ່ງກ່າວໄດ້ໃຫ້ການສຶກສາອົບຮົມນັກສຶກສາປະລິນຍາໂທແລະປະລິນຍາເອກ 237 ຄົນໃຫ້ແກ່ 24 ປະເທດທີ່ພວມພັດທະນາ ແລະໄດ້ຈັດຊຸດອົບຮົມໄລຍະສັ້ນ 20 ກວ່າຊຸດ ອົບຮົມສຳມະນາກອນເກືອບພັນຄົນທີ່ມາຈາກ 64 ປະເທດ ໂດຍຜ່ານການແບ່ງປັນຊັບພະຍາກອນດ້ານການສຶກສາວິທະຍາສາດແລະເຕັກໂນໂລຢີທີ່ມີທ່າແຮງ.