ກົມສະຖິຕິແຂວງຢຸນນານໄດ້ປະກາດຕົວເລກສະຖິຕິໃຫ້ຮູ້ວ່າ, ໃນ 3 ໄຕມາດທຳອິດຂອງປີນີ້, GDP ຂອງແຂວງຢຸນນານບັນລຸ 1297,185 ຕື້ຢວນ, ເຕີບໂຕຂຶ້ນ 8,8% ເມື່ອທຽບໃສ່ໄລຍະດຽວກັນຂອງປີກາຍ.ໃນນັ້ນ, ຂະແຫນງການຜະລິດທີຫນຶ່ງຂອງແຂວງຢຸນນານບັນລຸມູນຄ່າເພີ່ມ 157,232 ຕື້ຢວນ, ເຕີບໂຕ 5,5% ເມື່ອທຽບໃສ່ໄລຍະດຽວກັນຂອງປີກາຍ. ຂະແຫນງການຜະລິດທີສອງຂອງແຂວງຢຸນນານບັນລຸມູນຄ່າເພີ່ມ 496,090 ຕື້ຢວນ, ເຕີບໂຕ 10,5% ເມື່ອທຽບໃສ່ໄລຍະດຽວກັນຂອງປີກາຍ. ຂະແຫນງການຜະລິດທີສາມຂອງແຂວງຢຸນນານບັນລຸມູນຄ່າເພີ່ມ 643,863 ຕື້ຢວນ, ເຕີບໂຕ 8,1% ເມື່ອທຽບໃສ່ໄລຍະດຽວກັນຂອງປີກາຍ.
ນອກຈາກນັ້ນ, ມູນຄ່າຂາເຂົ້າຂາອອກຂອງການຄ້າຕ່າງປະເທດແຂວງຢຸນນານ ເກີນ 200 ຕື້ຢວນເປັນຄັ້ງທຳອິດ, ອີງຕາມຂໍ້ມູນຈາກດ່ານພາສີນະຄອນຄຸນໝິງ: ນັບແຕ່ເດືອນມັງກອນ ເຖິງ ເດືອນພະຈິກປີນີ້, ມູນຄ່າຂາເຂົ້າຂາອອກຂອງການຄ້າຕ່າງປະເທດແຂວງຢຸນນານບັນລຸ 208,98 ຕື້ຢວນ,ເຕີບໂຕຂຶ້ນ 18% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ຂາເຂົ້າບັນລຸ 93,34 ຕື້ຢວນ,ເຕີບໂຕຂຶ້ນ 24,3% ເມື່ອທຽບໃສ່ໄລຍະດຽວກັນຂອງປີກາຍ. ຂາອອກບັນລຸ 115,64 ຕື້ຢວນ, ເຕີບໂຕຂຶ້ນ 13,3% ເມື່ອທຽບໃສ່ໄລຍະດຽວກັນຂອງປີກາຍ.