ຕາມຂ່າວ CRI: ທ້າຍປີ 2019 ບໍລິສັດລົງທຶນພະລັງງານໄຟຟ້າລາວ-ຈີນຈໍາກັດ ໄດ້ວາງ ວາງສີລາລືກເປີດໂຄງການສະຫນອງໄຟຟ້າໃຫ້ແກ່ເສັ້ນທາງລົດໄຟລາວ-ຈີນ ຢ່າງເປັນທາງການ ຢູ່ທີ່ສະຖານີຈ່າຍໄຟຟ້າໂຄກສະອາດນະຄອນຫລວງວຽງຈັນ, ໃຫ້ກຽດເຂົ້າ ຮ່ວມໂດຍທ່ານ ທອງພັດ ອິນທະວົງ ຮອງລັດຖະມົນຕີກະຊວງພະລັງງານ ແລະບໍ່ແຮ່, ທ່ານ ບຸນອຸ້ມ ສີວັນເພັງ ຜູ້ອໍານວຍການໃຫຍ່ລັດວິສາຫະກິດໄຟຟ້າລາວ ພ້ອມດ້ວຍ ຄູ່ຮ່ວມມືໂຄງການ ແລະພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ທອງພັດ ອິນທະວົງກ່າວວ່າ: ໂຄງການກໍ່ສ້າງສາຍສົ່ງເພື່ອສະໜອງໄຟຟ້າໃຫ້ແກ່ໂຄງການທາງ ລົດໄຟລາວ-ຈີນຈະອຳນວຍຄວາມສະດວກແກ່ການດຳເນີນງານ ແລະການເຄື່ອນໄຫວຂອງ ທາງລົດໄຟລາວ-ຈີນ ເຊິ່ງເປັນໂຄງການໜຶ່ງໃນແຜນການທີ່ສຳຄັນ ເພື່ອປະກອບສ່ວນເຂົ້າໃນການສ້າງເສັ້ນທາງລົດໄຟລາວ-ຈີນ ແລະເມື່ອການສ້າງເສັ້ນ ທາງລົດໄຟລາວ-ຈີນສໍາເລັດຈະມີການປ່ຽນແປງອັນໃຫຍ່ຫຼວງຕໍ່ການພັດທະນາດ້ານເສດ ຖະກິດ-ສັງຄົມແລະການປັບປຸງຊີວິດການເປັນຢູ່ປະຊາຊົນ 4ແຂວງກໍ່ຄືນະຄອນຫຼວງວຽງຈັນທີ່ ເສັ້ນທາງລົດໄຟລາວຈີນຜ່ານ.
ທ່ານ ບຸນອຸ້ມ ສີວັນເພັງໃຫ້ຮູ້ວ່າ: ໂຄງການສະຫນອງໄຟຟ້າໃຫ້ເສັ້ນທາງລົດໄຟລາວ-ຈີນຂອງ ບໍລິສັດລົງທຶນພະລັງງານໄຟຟ້າລາວ-ຈີນ ແມ່ນການຮ່ວມມືລະຫວ່າງ ລັດວິ ສາຫະກິດໄຟລາວ ແລະບໍລິສັດຕາຂ່າຍໄຟຟ້າພາກໃຕ້ຈີນ ເຊິ່ງໂຄງການນີ້ໄດ້ສ້າງເງື່ອນ ໄຂທີ່ດີໃຫ້ແກ່ການຮັບປະກັນຂອງທາງລົດໄຟລາວ-ຈີນ; ເປັນໂຄງການຕາຂ່າຍໄຟ ຟ້າໃນການດໍາເນີນງານດ້ວຍຮູບແບບ BOT ໃນປະເທດລາວ ແລະເມື່ອໂຄງການນີ້ ໄດ້ຮັບຜົນສຳເລັດ ຈະສະສົມປະສົບການອັນມະຫາສານ ແລະເປັນແບບຢ່າງອັນ ປະເສີດໃຫ້ກັບການກໍ່ສ້າງຕາຂ່າຍໄຟຟ້າແຫ່ງຊາດລາວ. ຫວັງວ່າ ບັນດາຄູ່ຮ່ວມວຽກງານ ຂອງບໍລິສັດລົງທຶນພະລັງງານໄຟຟ້າລາວ-ຈີນຈຳກັດຈະສາມັກຄີຮ່ວມແຮງຮ່ວມໃຈກັນ ເພື່ອສ້າງແບບຢ່າງໃນການບໍລິການໃຫ້ແກ່ປະຊາຄົມຮ່ວມຊາຕາກຳລາວ-ຈີນ.
ຕາມຂໍ້ມູນເຜີຍວ່າ ຕາມການສະໜັບສະໜູນຂອງລັດຖະບານລາວ ແລະພາກສ່ວນ ທີ່ກ່ຽວຂ້ອງ,ປັດຈຸບັນນີ້ທາງບໍລິສັດຮັບຜິດຊອບໂຄງການນີ້ໄດ້ສຳເລັດວຽງານການປະມູນດ້ານການກໍ່ສ້າງສາຍສົ່ງ ແລະດຳເນີນການກະກຽມກໍ່ສ້າງເປັນທີ່ຮຽບຮ້ອຍແລ້ວ ແລະຄາດຈະສຳເລັດຕາມເປົ້າໝາຍການກໍ່ສ້າງໃນເດືອນເມສາ 2021 .ນອກຈາກນີ້ ບໍລິສັດດັ່ງກ່າວຈະສ້າງຕັ້ງສາຍສົ່ງ 115 ກິໂລໂວນ, 20 ແລວສາຍ ແລະ ສ້າງຕັ້ງຂະ ຫຍາຍສະຖານນີຈ່າຍໄຟຟ້າຍ່ອຍ11ແຫ່ງ ແຕ່ເໜືອຮອດໃຕ້ເຊິ່ງກວມລວມມີ 4 ແຂວງ 1ນະຄອນຫຼວງ.