ວັນທີ 2 ມັງກອນປີ 2020, ກຸ່ມບໍລິສັດເສັ້ນທາງລົດໄຟແຫ່ງຊາດຈີນຈຳກັດໄດ້ໄຂກອງປະຊຸມວຽກງານຢູ່ທີ່ປັກກິ່ງ.
ກອງປະຊຸມຊີ້ອອກວ່າ, ປີ 2019, ການຂົນສົ່ງຕາມເສັ້ນທາງລົດໄຟມີຄວາມປອດໄພດີ, ການລົງທຶນໃສ່ເສັ້ນທາງລົດໄຟໄດ້ສຳເລັດຜົນຢ່າງຮອບດ້ານ, ປະລິມານການຂົນສົ່ງຜູ້ໂດຍສານແລະສິນຄ້າໄດ້ເພີ່ມຂຶ້ນຢ່າງຕໍ່ເນື່ອງ, ເຊິ່ງໄດ້ຂົນສົ່ງຜູ້ໂດຍສານ 3,57 ຕື້ເທື່ອຄົນ; ການເຮັດທຸລະກິດຂອງວິສາຫະກິດມີປະສິດທິພາບສູງຂຶ້ນຕື່ມອີກ. ປີ 2019, ທຸລະກິດເສັ້ນທາງລົດໄຟຂອງຈີນໄດ້ມີລາຍໄດ້ການຂົນສົ່ງລວມທັງໝົດ 818 ຕື້ຢວນ; ການພັດທະນາແບບສີຂຽວກໍ່ມີປະສິດທິຜົນຢ່າງເດັ່ນຊັດ; ອັດຕາການປະຕິບັດໜ້າທີ່ແລະລາຍໄດ້ເງິນເດືອນຂອງພະນັກງານໄດ້ເພີ່ມຂຶ້ນຢ່າງໝັ້ນທ່ຽງ, ເງິນເດືອນຂອງພະນັກງານສະເລ່ຍແລ້ວໄດ້ເພີ່ມຂຶ້ນ 8% ຂຶ້ນໄປ 3 ປີລຽນຕິດ.
ກອງປະຊຸມໄດ້ຕົກລົງເຫັນດີວ່າ, ປີ 2020, ວຽກງານຂອງເສັ້ນທາງລົດໄຟມີເປົ້າໝາຍຕົ້ນຕໍຄື: ໃຫ້ເສັ້ນທາງລົດໄຟສືບຕໍ່ຮັກສາຄວາມປອດໄພຢ່າງໝັ້ນທ່ຽງ; ການຂົນສົ່ງຜູ້ໂດຍສານຕາມເສັ້ນທາງລົດໄຟໃຫ້ບັນລຸໄດ້ 3,85 ຕື້ເທື່ອຄົນ, ການຂົນສົ່ງສິນຄ້າໃຫ້ບັນລຸໄດ້ 3,65 ຕື້ໂຕນ; ຮັບປະກັນການລົງທຶນໃນການສ້າງເສັ້ນທາງລົດໄຟສາຍໃໝ່ຍາວທັງໝົດ 4 ພັນກິໂລແມັດຂຶ້ນໄປ, ໃນນັ້ນ ໃຫ້ສ້າງເສັ້ນທາງລົດໄຟຄວາມໄວສູງ 2 ພັນກິໂລແມັດ.