ປຶ້ມ ສີຈິ້ນຜິງ ວ່າດ້ວຍວຽກງານການຕ່າງປະເທດຂອງປະເທດໃຫຍ່ທີ່ມີສີສັນພິເສດຂອງຈີນ ສະບັບຄັດຈ້ອນ ທີ່ຮຽບຮຽງໂດຍ ສະຖາບັນຄົ້ນຄວ້າປະຫວັດແລະເອກະສານຂອງສູນກາງພັກກອມມູນິດຈີນ ເລີ່ມພິມຈຳໜ່າຍໃນຂອບເຂດທົ່ວປະເທດຈີນ ໂດຍສຳນັກພິມຈຳໜ່າຍເອກະສານສູນກາງ.
ນັບແຕ່ຈັດກອງປະຊຸມຄັ້ງທີ 18 ຂອງພັກກອມມູນິດຈີນເປັນຕົ້ນມາ, ພາຍໃຕ້ການນຳພາທີ່ເຂັ້ມແຂງຂອງສູນກາງພັກກອມມູນິດຈີນ ທີ່ຖືສະຫາຍ ສີຈິ້ນຜິງ ເປັນແກນກາງ, ຈີນໄດ້ຊຸກຍູ້ແລະດຳເນີນວຽກງານການຕ່າງປະເທດປະເທດໃຫຍ່ທີ່ມີສີສັນພິເສດຂອງຈີນຢ່າງມີຫົວຄິດປະດິດສ້າງ, ແລະໄດ້ຮັບຜົນສຳເລັດເປັນປະຫວັດສາດ. ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ກຳແໜ້ນທ່ວງທ່າໃຫຍ່ຂອງຈີນແລະທົ່ວໂລກໃນດ້ານການພັດທະນາໃນຍຸກໃໝ່ຢ່າງເລິກເຊິ່ງ, ແລະໄດ້ປະດິດສ້າງໃໝ່ດ້ານທິດສະດີ ແລະພຶດຕິກຳອັນສຳຄັນໃນວຽກງານການຕ່າງປະເທດ, ເຊິ່ງໄດ້ກຳເນີດເປັນແນວຄິດດ້ານການຕ່າງປະເທດຂອງທ່ານ ສີຈິ້ນຜິງ. ແນວຄິດດ້ານການຕ່າງປະເທດຂອງທ່ານ ສີຈິ້ນຜິງ ແມ່ນພາກສ່ວນສຳຄັນຂອງແນວຄິດສີຈິ້ນຜິງ ກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃຫຍ່, ມີຄວາມໝາຍຊີ້ນຳສຳຄັນທີ່ສຸດໃນການເດັດດ່ຽວຮັກສາອະທິປະໄຕ, ຄວາມໝັ້ນຄົງ, ຜົນປະໂຫຍດໃນການພັດທະນາຂອງປະເທດຊາດ, ການຊຸກຍູ້ການສ້າງປະຊາຄົມຮ່ວມຊາດຕາກຳຂອງມວນມະນຸດ ແລະການສ້າງສະພາບການໃໝ່ດ້ານການຕ່າງປະເທດຂອງປະເທດໃຫຍ່ທີ່ມີສີສັນພິເສດຂອງຈີນ.