ວັນທີ 15 ມັງກອນນີ້, ສະຖາບັນຄົ້ນຄວ້າເສດຖະກິດປະລິມານແລະເສດຖະກິດເຕັກນິກຂອງສະພາບັນດິດວິທະຍາສາດສັງຄົມຈີນແລະສະຖາບັນຄົ້ນຄວ້າທ່ວງທ່າດ້ານເສດຖະກິດຈີນຂອງສຳນັກງານໜັງສືພິມເສດຖະກິດລາຍວັນຈີນເຜີຍແຜ່ “ບົດລາຍງານທ່ວງທ່າເສດຖະກິດຈີນປີ 2020” ໂດຍລະບຸວ່າ, ປີ 2020 ແມ່ນປີທີ່ຈີນຈະສ້າງສັງຄົມທີ່ອີ່ມໜຳສຳລານໃຫ້ສຳເລັດຢ່າງຮອບດ້ານ ແລະ ເປັນປີສຸດທ້າຍໃນ “ແຜນການ 5 ປີຄັ້ງທີ 13”, ເສດຖະກິດຈີນໄດ້ພັດທະນາຢ່າງໜັກແໜ້ນແລະມີທ່ວງທ່າໄປໃນທິດທາງທີ່ດີຄືເກົ່າ. ການປະກອບອາຊີບ ແລະ ລາຄາສິນຄ້າໄດ້ຮັກສາທ່ວງທ່າທີ່ໝັ້ນທ່ຽງໂດຍພື້ນຖານ, ໂຄງປະກອບອຸດສາຫະກຳສືບຕໍ່ໄດ້ຮັບການປັບປຸງໃຫ້ດີຂຶ້ນຕື່ມອີກ ແລະ ຄຸນນະພາບດ້ານການເຕີບໂຕສູງຂຶ້ນກວ່າເກົ່າ. ບົດລາຍງານຍັງລະບຸວ່າ, ເພື່ອຈັດຕັ້ງປະຕິບັດເນື້ອໃນຈິດໃຈກອງປະຊຸມເສດຖະກິດສູນກາງ, ເຮັດໃຫ້ເສດຖະກິດປີ 2020 ພັດທະນາໄດ້ເປັນຢ່າງດີ, ຄວນປະຕິບັດນະໂຍບາຍການເງິນທີ່ຕັ້ງໜ້າ, ປັບປຸງນະໂຍບາຍເງິນຕາ ແລະ ປ່ຽນແປງບົດບາດທີ່ເປັນອົງປະກອບຂອງນະໂຍບາຍມະຫາພາກແບບລະມັດລະວັງ, ພິຈາລະນາການພົວພັນລະຫວ່າງ “ການເຕີບໂຕຢ່າງໜັກແໜ້ນ” ກັບການແກ້ໄຂຄວາມສ່ຽງ, ເລັ່ງລັດການສ້າງ ແລະ ປັບປຸງກົນໄກໄລຍະຍາວໃນການຊຸກຍູ້ການບໍລິໂພກໃຫ້ສົມບູນຂຶ້ນ.