ໃນກອງປະຊຸມຖະແຫຼງຂ່າວຂອງຫ້ອງການຖະແຫຼງຂ່າວຂອງລັດຖະບານຈີນທີ່ຈັດຂຶ້ນໃນວັນທີ 17 ມັງກອນນີ້, ທ່ານ ນິ້ງຈີເຈີ ຫົວໜ້າອົງການສະຖິຕິແຫ່ງຊາດຈີນກ່າວວ່າ, ລວມຍອດຜະລິດຕະພັນພາຍໃນຫຼື GDP ຂອງຈີນໃນປີ 2019 ບັນລຸ 99.086 ຕື້ຢວນ, ທຽບໃສ່ປີ 2018 ເພີ່ມຂຶ້ນ 6,1%, ເຊິ່ງເປັນໄປຕາມກັບເປົ້າໝາຍທີ່ວາງໄວ້ໃນຕົ້ນປີ 2019 ທີ່ໃຫ້ເສດຖະກິດຈີນເຕີບໂຕຢູ່ລະຫວ່າງ 6% ຫາ 6,5%, ແລະສູງກວ່າຄວາມໄວການເຕີບໂຕຂອງເສດຖະກິດໂລກຢ່າງຈະແຈ້ງ, ຢືນຢູ່ແຖວໜ້າຂອງກຸ່ມເສດຖະກິດຕົ້ນຕໍຂອງໂລກ, ໃນກຸ່ມເສດຖະກິດທີ່ມີ GDP ຫຼາຍກວ່າ 1000 ຕື້ໂດລານັ້ນຈີນໄດ້ເປັນອັນດັບ 1.
ຕົວເລກສະຖິຕິສະແດງໃຫ້ເຫັນວ່າ, ປີ 2019 ເສດຖະກິດອາເມຣິກາເຕີບໂຕປະມານ 2,3%, ຄວາມໄວການເຕີບໂຕຂອງເສດຖະກິດຍີ່ປຸ່ນແລະເຂດໃຊ້ເງິນເອີໂຣສູງກວ່າ 1%, ສ່ວນອິນເດຍໄດ້ເຕີບໂຕປະມານ 5%.