ກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກປີ 2020 ຈະໄຂຂຶ້ນຢູ່ດາວົສຂອງປະເທດສະວິສ. 3 ປີກ່ອນ, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສຢູ່ດາວົສ ໂດຍໄດ້ໃຫ້ທັດສະນະວ່າ: “ການທີ່ຖືເອົາບັນຫາທີ່ລົບກວນໂລກວ່າເປັນຍ້ອນເສດຖະກິດໂລກາພິວັດເປັນຄວາມຄິດເຫັນທີ່ງ່າຍດາຍ ເຊິ່ງບໍ່ສອດຄ່ອງກັບຄວາມເປັນຈິງ ທັງບໍ່ມີຜົນດີຕໍ່ການແກ້ໄຂບັນຫາ.” ທ່ານສີຈິ້ງຜິງຊີ້ໃຫ້ເຫັນວ່າ, ໂດຍຜະເຊີນໜ້າກັບກາລະໂອກາດແລະສິ່ງທ້າທາຍໃນຍຸກເສດຖະກິດໂລກາພິວັດນັ້ນ ຄວນນຳໃຊ້ທຸກໂອກາດໃຫ້ດີ, ຮ່ວມມືກັນເພື່ອຮັບມືກັບສິ່ງທ້າທາຍທຸກຢ່າງ, ນຳພາເສດຖະກິດໂລກາພິວັດໃຫ້ດີ.
ໃນ 3 ປີຜ່ານມາ, ຈີນໄດ້ເປີດກວ້າງການເປີດປະຕູສູ່ພາຍນອກເລື້ອຍໆ, ແບ່ງປັນໂອກາດແລະຜົນປະໂຫຍດ, ບັນລຸໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ. ຈີນຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ”ດ້ວຍຄຸນນະພາບສູງ, ແລະຈັດງານວາງສະແດງສິນຄ້ານຳເຂົ້າສາກົນຈີນແລະອື່ນໆ, ແລະໄດ້ພະຍາຍາມສ້າງຮູບແບບການຮ່ວມມືທົ່ວໂລກໃຫ້ມີຊີວິດຊີວາ. ຈີນໄດ້ເຂົ້າຮ່ວມການປັບປຸງບໍລິຫານໂລກຢ່າງເປັນເຈົ້າການ, ພະຍາຍາມຊຸກຍູ້ໃຫ້ລະບຽບການຂອງເສດຖະກິດໂລກກ້າວເດີນໄປສູ່ທິດທາງທີ່ຍຸດຕິທຳແລະສົມເຫດສົມຜົນກວ່າເກົ່າ. ປັດຈຸບັນ, ທະນາຄານພັດທະນາພື້ນຖານໂຄງລ່າງອາຊີທີ່ຈີນເປັນຜູ້ລິເລີ່ມສ້າງຕັ້ງຂຶ້ນນັ້ນ ໄດ້ມີສະມາຊິກເຂົ້າຮ່ວມເຖິງ 102 ລາຍແລ້ວ, ປະເທດທີ່ພວມພັດທະນາກວມຫຸ້ນສ່ວນສ່ວນຫຼາຍ ແລະມີສິດສະແດງຄວາມເຫັນຂອງຕົນອ່າວຫຼາຍ.
ໃນ 3 ປີຜ່ານມາ, ຈີນໄດ້ໃຊ້ການກະທຳຕົວຈິງເພື່ອສະແດງໃຫ້ເຫັນວ່າ ຄວນນຳພາເສດຖະກິດໂລກາພິວັດແນວໃດ. ຈຶ່ງສາມາດຄາດຄະເນໄດ້ວ່າ, ຈີນທີ່ເປັນປະເທດກຳລັງເປີດປະຕູຢ່າງບໍ່ຢຸດຢັ້ງນັ້ນ ຈະສືບຕໍ່ເສີມຂະຫຍາຍບົດບາດສຳຄັນແລະພິເສດຂອງຕົນໃນການຊຸກຍູ້ການເຕີບໂຕຂອງເສດຖະກິດແລະນຳພາເສດຖະກິດໂລກາພິວັດໃຫ້ຂະຫຍາຍຕົວໄປໃນທາງທີ່ດີ.