ວັນທີ 21 ມັງກອນ, ນັກຂ່າວໄດ້ຮັບຮູ້ຈາກກົມສະຖິຕິແຫ່ງຊາດວ່າ, ໃນປີ 2019, GDP ຂອງແຂວງຢຸນນານບັນລຸ 2322,375 ຕື້ຢວນ, ເຕີບໂຕຂຶ້ນ 8,1% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ຂະແຫນງການຜະລິດທີຫນຶ່ງຂອງແຂວງຢຸນນານບັນລຸມູນຄ່າເພີ່ມ 303,762 ຕື້ຢວນ, ເຕີບໂຕ 5,5% ເມື່ອທຽບໃສ່ໄລຍະດຽວກັນຂອງປີກາຍ. ຂະແຫນງການຜະລິດທີສອງຂອງແຂວງຢຸນນານບັນລຸມູນຄ່າເພີ່ມ 796,158 ຕື້ຢວນ, ເຕີບໂຕ 8,6% ເມື່ອທຽບໃສ່ໄລຍະດຽວກັນຂອງປີກາຍ. ຂະແຫນງການຜະລິດທີສາມຂອງແຂວງຢຸນນານບັນລຸມູນຄ່າເພີ່ມ 1222,455 ຕື້ຢວນ, ເຕີບໂຕ 8,3% ເມື່ອທຽບໃສ່ໄລຍະດຽວກັນຂອງປີກາຍ. ສະຖິຕິໄດ້ເປີດເຜີຍຂໍ້ມູນທີ່ສະແດງໃຫ້ເຫັນວ່າ, ໃນປີ2019, ຍອດປະລິມານການຜະລິດສະບຽງອາຫານຂອງແຂວງຢຸນນານບັນລຸໄດ້ 18,7003 ລ້ານໂຕນ, ເສດຖະກິດກະສິກຳໄດ້ຮັບການປັບປຸງຢ່າງບໍ່ຢຸດຢັ້ງ, ການກະສິກຳແບບລັກສະນະພູພຽງມີຄວາມກ້າວໜ້າຢ່າງຕໍ່ເນື່ອງ; ການຜະລິດດ້ວຍເຕັກໂນໂລຢີຂັ້ນສູງບັນລຸມູນຄ່າເພີ່ມ 31,1%; ເພີ່ມຂຶ້ນຢ່າງວ່ອງໄວ.