ເນື່ອງໃນໂອກາດປີໃໝ່ບຸນກຸດຈີນໃກ້ຈະໝູນວຽນມາເຖິງ, ວັນທີ 22 ມັງກອນນີ້, ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດໄດ້ ສົ່ງຄຳອວຍພອນບຸນກຸດຈີນປີຊວດຜ່ານທາງວີດີໂອ.
ທ່ານກູເຕີເຣສກ່າວວ່າ, ປີ 2020 ແມ່ນປີທີ່ອົງການສະຫະປະຊາຊາດສ້າງຕັ້ງຂຶ້ນຄົບຮອບ 75 ປີ, ກໍແມ່ນປີທຳອິດທີ່ປະຕິບັດແຜນການດຳເນີນງານ 10 ປີເພື່ອບັນລຸເປົ້າໝາຍພັດທະນາແບບຍືນຍົງ, ການພັດທະນາແບບຍືນຍົງແມ່ນວິໄສທັດຮ່ວມຂອງພວກເຮົາທີ່ມີຕໍ່ປະຊາຊົນ ກໍຄືໂລກ. ໃນສະພາບການທີ່ມີຄວາມວຸ້ນວາຍ ແລະ ການແບ່ງແຍກນີ້, ພວກເຮົາຕ້ອງສຸມຄວາມພະຍາຍາມຮ່ວມກັນ, ຊອກຫາແຜນການແກ້ໄຂສິ່ງທ້າທາຍຂອງໂລກ, ສ້າງອະນາຄົດທີ່ດີງາມກວ່າເກົ່າໃຫ້ແກ່ມວນມະນຸດ.
ທ່ານກ່າວຕື່ມວ່າ, ຂໍຂອບໃຈປະເທດຈີນ ແລະ ປະຊາຊົນຈີນທີ່ໄດ້ສະໜັບສະໜູນວຽກງານຂອງອົງການສະຫະປະຊາຊາດ ແລະ ລັດທິຫຼາຍຝ່າຍ. “ຂໍອວຍພອນໃຫ້ທຸກທ່ານຈົ່ງມີສຸຂະພາບເຂັ້ມແຂງ ຄອບຄົວມີຄວາມສຸກ ແລະ ປະສົບຜົນສຳເລັດໃນໜ້າທີ່ການງານຕະຫຼອດປີໃໝ່.”