ທ່ານ ປິ່ນປາຖະຫນາ ພັນທະມາລີ, ຫົວໜ້າກົມສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ: ມາດຕະການເພື່ອຕໍ່ສູ້ກັບການລະບາດຂອງພະຍາດອັກເສບປອດໂດຍມີປະຊາຊົນເປັນສູນກາງແມ່ນໄດ້ຮັບການຍ້ອງຍໍ.
ທ່ານ ປິ່ນປາຖະຫນາ ພັນທະມາລີ, ຫົວໜ້າກົມສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວເວົ້າວ່າ: ນັບຕັ້ງແຕ່ມີການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໃນປະເທດຈີນ,ລັດຖະບານຈີນໄດ້ໃຊ້ມາດຕະການຫຼາຍຢ່າງໂດຍມີປະຊາຊົນເປັນສູນກາງ,ເຮັດໃຫ້ພວກເຮົາຍ້ອງຍໍຊົມເຊີຍ. ຂ້າພະເຈົ້າມີຄວາມເຊື່ອໝັ້ນຢ່າງເຕັມປ່ຽມຕໍ່ລັດຖະບານຈີນໃນການນຳພາປະຊາຊົນຕໍ່ສູ້ກັບການລະບາດຂອງພະຍາດອັກເສບປອດ,ຫວັງວ່າພາຍໃຕ້ການນຳພາຂອງພັກແລະລັດຖະບານ, ປະເທດຈີນ, ປະຊາຊົນຈີນຈະສາມາດປ້ອງກັນການລະບາດແລະກັບສູ່ຊີວິດປົກກະຕິ.
ທ່ານ ປິ່ນປາຖະຫນາ ພັນທະມາລີ ຕົວແທນກົມສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ຂອບໃຈຈີນທີ່ໄດ້ມີການປ້ອງກັນແລະຄວບຄຸມການລະບາດຂອງພະຍາດດັ່ງກ່າວ,ແລະສະແດງຄວາມເຫັນອົກເຫັນໃຈຕໍ່ຄອບຄົວຄົນຈີນທີ່ປະສົບກັບຄວາມຮ້າຍແຮງຈາກພະຍາດອັກເສບປອດຈາກເຊື້ອຈຸລະໂລກສາຍພັນໃໝ່.ທ່ານກ່າວວ່າ:"ຍ້ອນວ່າມາດຕະການປ້ອງກັນແລະຄວບຄຸມຕໍ່ກັບການລະບາດຂອງພະຍາດທີ່ຮ້າຍແຮງຂອງຈີນ,ເຮັດໃຫ້ປະເທດອື່ນໆໄດ້ຮັບຜົນກະທົບໜ້ອຍຈາກເຊື້ອຈຸລະໂລກສາຍພັນໃໝ່,ປະເທດຈີນເຮັດການອຸທິດອັນໃຫຍ່ຫຼວງເພື່ອປົກປ້ອງຊີວິດຂອງປະຊາຊົນໃຫ້ຫລາຍຂື້ນ."
ໃນນາມທີ່ເປັນສື່ມວນຊົນຜູ້ຫນຶ່ງ, ທ່ານ ປິ່ນປາຖະຫນາ ພັນທະມາລີກ່າວວ່າ,ສື່ມວນຊົນໄດ້ມີບົດບາດອັນສຳຄັນໃນການຕໍ່ສູ້ກັບພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ນີ້. ໃນປະເທດລາວ, ພາຍຫຼັງທີ່ເກີດມີການລະບາດຂອງພະຍາດອັກເສບປອດ, ແຫລ່ງສື່ມວນຊົນຕ່າງໆໃນລາວກໍໄດ້ສຸມກຳລັງແຮງໃນການໂຄສະນາເຜີຍແຜ່ໃຫ້ປະຊາຊົນໄດ້ຮູ້ເຖິງຊ່ອງທາງການແພ່ລະບາດຂອງເຊື້ອຈຸລະໂລກສາຍພັນໃໝ່, ໂຄສະນາມາດຕະການປ້ອງກັນຕໍ່ພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ຂອງລັດຖະບານແລະບັນດາພະແນກທີ່ກ່ຽວຂ້ອງ,ພ້ອມທັງເຕືອນປະຊາຊົນໃຫ້ປູກຈິດສຳນຶກໃນການປ້ອງກັນ.ພ້ອມດຽວກັນນີ້,ສື່ມວນຊົນລາວຍັງໄດ້ຂຽນຂ່າວແກ້ຂ່າວລືກ່ຽວກັບຂ່າວທີ່ບໍ່ຖືກຕ້ອງໃນໄລຍະການລະບາດ,ເພື່ອຮັບປະກັນຄວາມເປັນລະບຽບຮຽບຮ້ອຍໃນສັງຄົມ.