“ຂ້ອຍແມ່ນຄົນຈີນ，ແຕ່ຂ້ອຍບໍ່ແມ່ນໄວຣັສ”

ຂ້ອຍບໍ່ແມ່ນໄວຣັສ,
ຂ້ອຍແມ່ນມະນຸດ,
ກະລຸນາຢ່າລັງກຽດພວກຂ້ອຍ.

ເນື່ອງຈາກການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່(ໄວຣັສໂຄໂລນາ),ຄົນຈີນທີ່ຢູ່ຕ່າງປະເທດຈຳນວນຫນຶ່ງກໍໄດ້ຮັບການປະຕິບັດທີ່ບໍ່ເປັນມິດປານໃດ. ເພື່ອເພີ່ມທະວີຄວາມເຂົ້າໃຈ,ຄົນຈີນທີ່ຢູ່ຕ່າງປະເທດຈຶ່ງໄດ້ເລີ່ມການເຄື່ອນໄຫວຕໍ່ຕ້ານພຶດຕິກຳການຈຳແນກລັງກຽດກັນ ໂດຍໃຊ້ຄຳວ່າ “ຂ້ອຍບໍ່ແມ່ນໄວຣັສ”.

ມໍ່ໆມານີ້,ຜູ້ສາວຄົນຈີນຄົນຫນຶ່ງທີ່ດຳລົງຊີວິດຢູ່ປະເທດລາວຍ່າງໄປຕາມຖະຫນົນ,ຂ້າງໂຕຂອງລາວຍັງມີແຜ່ນປ້າຍຫນຶ່ງທີ່ຂຽນວ່າ“ຂ້ອຍບໍ່ແມ່ນໄວຣັສ,ຂ້ອຍເປັນມະນຸດ,ກະລຸນາຢ່າລັງກຽດຂ້ອຍ”.

ຕໍ່ຫນ້າຄົນລາວແລະນັກທ່ອງທ່ຽວຕ່າງປະເທດທີ່ໄປໆມາໆ, ລາວໃສ່ຫນ້າກາກອະນາໄມຢືນບໍ່ເວົ້າບໍ່ປາກຢູ່ແຄມທາງ, ສະແດງທ່າທາງຂອງຕົນອອກມາແບບງຽບໆ.

ໃນຕອນເລີ່ມຕົ້ນຂອງວິດີໂອ,ຫລາຍຄົນເລືອກທີ່ບໍ່ສົນໃຈແລະຜ່ານໄປເລີຍ,ທັງຍັງມີຄົນຄິດວ່າແປກໃຫມ່ຈຶ່ງຢຸດເບິ່ງ ແລະຖ່າຍຮູບ.

ໃນທີ່ສຸດ,ຜູ້ທີຫນຶ່ງ,ຜູ້ທີສອງ...ຄົນທີ່ເຂົ້າມານັບຫລາຍຂຶ້ນ,ພວກເຂົາເລືອກທີ່ຈະຍ່າງເຂົ້າໄປຢ່າງບໍ່ລັງເລເພື່ອກອດຜູ້ຍິງໃນວິດີໂອຢ່າງອົບອຸ່ນ.

ທີ່ເຮັດໃຫ້ຄົນຮູ້ສຶກສະເທືອນອາລົມຍິ່ງຂຶ້ນນັ້ນ,ຍັງມີຫລາຍຄົນທີ່ເອົາຜ້າອັດປາກຂອງຜູ້ສາວຜູ້ນີ້ລົງ,ທັງຍັງກອດລາວແຫນ້ນໆ.

ວິດີໂອທັງຫມົດໄດ້ສ້າງຄວາມອຸ່ນໃຈທັງຍັງເຮັດໃຫ້ຄົນປະທັບໃຈຢ່າງບໍ່ຮູ້ລືມ.

ຕອນບ່າຍຂອງວັນທີ 6 ກຸມພາ,ນັກຂ່າວວາລະສານ“ຈຳປາ”ໄດ້ຕໍ່ສາຍຫາຜູ້ເຮັດວິດີໂອທ້າວ ຫລິວ ອ່າຍລຸ້ນ(Liu Ailun),ເພື່ອຢາກຮູ້ຄວາມຕັ້ງໃຈໃນຕອນທຳອິດທີ່ລາວເຮັດວິດີໂອຂຶ້ນມາ.

ນັກຂ່າວ:ເປັນຫຍັງຈຶ່ງຄິດຢາກເຮັດການທົດລອງແນວນີ້?

ຫລິວອ່າຍລຸ້ນ:ສອງມື້ກ່ອນຂ້ອຍເຫັນກິດຈະກຳທີ່ຄ້າຍຄືກັນນີ້ຢູ່ຖະຫນົນໃນປະເທດອິຕາລີ,ຄ່ອນຂ້າງຊາບຊຶ້ງໃຈ.ດັ່ງນັ້ນ ຂ້ອຍກໍຄິດຢາກເຮັດການທົດລອງທີ່ຄ້າຍຄືກັນ,ຢາກໃຫ້ຄົນໄດ້ຮັບຮູ້ຄວາມເປັນຈິງໃຫ້ຫລາຍຂຶ້ນ,ປະຕິບັດຕໍ່ການລະບາດຂອງພະຍາດຢ່າງມີເຫດຜົນ.

ທ້າວ ຫລິວ ອ່າຍລຸ້ນ ແນະນຳວ່າ,ການຖ່າຍທຳທັງຫມົດກິນເວລາຫນຶ່ງມື້,ໃນຕອນເຊົ້າພວກເຂົາໄປສູນການຄ້າທີ່ມີຄົນໄປມາຄ່ອນຂ້າງຫລາຍ,ບາງເທື່ອຜູ້ຄົນຄ່ອນຂ້າງອາຍ ແລະ ບໍ່ຄ່ອຍເຂົ້າໃຈປານໃດ,ຫລາຍຄົນຈຶ່ງເບິ່ງຈາກໄກໆແລະບໍ່ມີການຕອບໂຕ້ຫຍັງ.ຕອນບ່າຍ ພວກເຂົາໄປແຄມແມ່ນ້ຳຂອງບ່ອນທີ່ມີນັກທ່ອງທ່ຽວມາຊຸມນຸມກັນ,ກໍມີຄົນເລີ່ມເຂົ້າມາກອດຢ່າງຕໍ່ເນື່ອງ.“ນອກຈາກຖ່າຍຮູບລວມ ແລະ ຈັບມືມີຄົນປະມານ 20 ກວ່າຄົນທີ່ເຂົ້າມາກອດດ້ວຍຕົນເອງ”

“ຄົນຜູ້ທີຫນຶ່ງທີ່ເຂົ້າມາກອດ,ທຳອິດແມ່ນຜ່ານມາເຫັນ,ຈາກນັ້ນກໍຫັນກັບມາແລະກອດພວກເຮົາດ້ວຍຕົວເອງ”ຫລິວອ່າຍລຸ້ນເວົ້າວ່າ, ຕອນທີ່ຢູ່ບ່ອນເກີດເຫດນັ້ນພວກເຂົາປະທັບໃຈຫລາຍ.

ສິ່ງແທ້ຈິງທີ່ເຮັດໃຫ້ຄົນຢ້ານກົວບໍ່ແມ່ນໄວຣັສໂຄໂຣນາສາຍພັນໃຫມ່,ແຕ່ແມ່ນຄວາມອັກຄະຕິທີ່ລອຍຢູ່ໃນອາກາດ. ພວກເຮົາຕ້ອງຫລີກເວັ້ນຈາກໄວຣັສໂຄໂຣນາສາຍພັນໃຫມ່, ແຕ່ບໍ່ແມ່ນຫ່າງໄກຈາກເພື່ອນມະນຸດ!