ບັນທຶກລາຍວັນຂອງການຕໍ່ຕ້ານການລະບາດຂອງພະຍາດອັກເສບປອດ: ພວກເຮົາຢູ່ເມືອງຊ່ຽນນິງສະບາຍດີ, ບໍ່ຕ້ອງເປັນຫ່ວງ!
ໃນມື້ທີສິບສີ່ຂອງການຊ່ວຍເຫລືອຫູເປີ່ຍ, ມື້ນີ້ຢູ່ເມືອງຊ່ຽນນິງທ້ອງຟ້າມີແດດ. ທຸກໆຄົນໄດ້ປັບຕົວເຂົ້າກັບການໃຊ້ຊີວິດ ແລະ ເຮັດວຽກງານຢູ່ນີ້, ທຸກຢ່າງດຳເນີນໄປຢ່າງເປັນລະບຽບ.
ຈື່ໄດ້ວ່າເມື່ອພວກເຮົາມາຮອດບ່ອນນີ້, ພວກເຮົາກໍຍັງບໍ່ຊິນເຄີຍກັບສະພາບແວດລ້ອມໃໝ່. ມາຮອດປັດຈຸບັນ, ການຂ້າເຊື້ອ ແລະ ການແຍກປ່ຽວ, ການຄຸ້ມຄອງຄົນເຈັບ, ການດູແລແລະ ການປິ່ນປົວໄດ້ມີຄວາມເປັນລະບຽບຮຽບຮ້ອຍແລ້ວ. ພະນັກງານພະຍາບານຂອງໂຮງໝໍຢູ່ທີ່ນີ້ບໍ່ໄດ້ກັບບ້ານເກືອບເດືອນແລ້ວ, ພະນັກງານຫຼາຍຄົນໄດ້ກິນເຂົ້າ ແລະ ນອນຢູ່ຫ້ອງການພະແນກ, ຫົວຫນ້າພະຍາບານເວົ້າເຕືອນຢູ່ທຸກມື້ວ່າ: ປ້ອງກັນໃຫ້ດີ, ເສີມສ້າງໂພຊະນາການ, ແລະ ພັກຜ່ອນແຕ່ຫົວເວັນ.
ຈາກເຄື່ອງນຸ່ງປ້ອງກັນທີ່ຂັ້ນໄວ້, ເຖິງວ່າຂ້າພະເຈົ້າຍັງບໍ່ທັນໄດ້ຮູ້ຈັກເພື່ອນຮ່ວມງານໃຫມ່ຢ່າງຄົບຖ້ວນ, ແຕ່ວ່າທຸກຄົນກໍ່ເຮັດວຽກຢູ່ຮ່ວນກັນການປະສານຮ່ວມມືກັນກໍນັບມື້ນັບຫຼາຍຂຶ້ນເລື້ອຍໆ. ເຖິງວ່າເຮັດວຽກເມື່ອຍໃນທຸກໆມື້, ແຕ່ເບິ່ງຄົນເຈັບທີ່ຄ່ອຍໆຟື້ນຟູຮ່າງກາຍ, ພວກເຮົາຄິດວ່າຄວາມເມື່ອຍນີ້, ນອນຫຼັບຈັກຫນ້ອຍຫນຶ່ງກໍ່ເຊົາແລ້ວ.
ໃນສະຖານທີ່ຫ່າງໄກ, ຍັງມີຄວາມກັງວົນ ແລະ ຄວາມຄິດຮອດຂອງຄອບຄົວແລະໝູ່ເພື່ອນ, ແລະ ຢູ່ນີ້ຍັງມີເພື່ອນຮ່ວມງານທີ່ກຳລັງຮ່ວມຕໍ່ສູ້ນຳກັນ, ຂ້າພະເຈົ້າຫວັງວ່າທຸກໆຄົນຈະປົກປ້ອງຕົນເອງ, ແລະເມື່ອການລະບາດຂອງພະຍາດດັ່ງກ່າວສິ້ນສຸດລົງ, ພວກເຮົາຈະກັບບ້ານຢ່າງປອດໄພ. ພວກເຮົາຢູ່ເມືອງຊ່ຽນນິງສະບາຍດີ, ບໍ່ຕ້ອງເປັນຫ່ວງ!
ເຊ້ຍຢາຢາງ
ທິມແພດຊຸດທຳອິດຂອງໂຮງໝໍປະຊາຊົນທີ່ສາມແຂວງຢຸນນານທີ່ໄປຊ່ວຍເຫຼືອແຂວງຫູເປີ່ຍ