ທົ່ວເຂດໃນແຂວງຢຸນນານສົ່ງເຄື່ອງເພື່ອຊ່ວຍເຫຼືອແລະສະໜັບສະໜູນແຂວງຫູເປີ່ຍ

ນັບຕັ້ງແຕ່ມີການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່, ປະຊາຊົນແຂວງຢຸນນານກໍໄດ້ເອົາໃຈໃສ່ ແລະ ຫ່ວງໃຍປະຊາຊົນແຂວງຫູເປີ່ຍ, ພວກເພິ່ນໄດ້ສົ່ງເຄື່ອງໄປແຂວງຫູເປີ່ຍເພື່ອຊ່ວຍເຫຼືອ ແລະ ສະໜັບສະໜູນແຂວງຫູເປີ່ຍ, ສູ້ໆຫູເປີ່ຍ, ສູ້ໆອູ່ຮັ້ນ.

ໃນວັນທີ 10 ເດືອນກຸມພາ, ລົດບັນທຸກ 9 ຄັນໄດ້ຂົນສົ່ງໝາກໂມຂອງມຽນມາຈຳນວນ 270 ໂຕນຈາກເມືອງຣຸ້ຍລີ້ ໄປເມືອງຊ່ຽນນິງ ແລະ ເມືອງຈິ່ງໂຈ່ແຂວງຫູເປີ່ຍ.

ໃນວັນທີ 11 ເດືອນກຸມພາ, ລົດບັນທຸກຄັນໜຶ່ງໄດ້ອອກຈາກເມືອງລີ້ຈ່ຽງ, ແລະ ສົ່ງເຄື່ອງໄປເມືອງອູ່ຮັ້ນ. ອີງຕາມຕົວເລກສະຖິຕິ, ໃນຄັ້ງນີ້ ເມືອງລີ້ຈ່ຽງ ໄດ້ສົ່ງເຄື່ອງໃຊ້ໃນການດຳລົງຊີວິດທັງໝົດ 325 ໂຕນເພື່ອຊ່ວຍເຫຼືອ ແລະ ສະໜັບສະໜູນເມືອງອູ່ຮັ້ນ. ໃນນັ້ນ, ຊີ້ນໝູສົດ 10 ໂຕນ, ມັນຝະລັ່ງ 115 ໂຕນ, ໝາກກ້ຽງ 100 ໂຕນ, ຖົ່ວຂຽວ 90 ໂຕນ ແລະ ໝາກເລັ່ນ 10 ໂຕນ.

ນອກຈາກນັ້ນ, ໃນວັນທີ 11 ເດືອນກຸມພາ, ລົດບັນທຸກ 7 ຄັນໄດ້ຂົນສົ່ງເຄື່ອງທັງໝົດ 176,5 ໂຕນ,ມີໄຂ່, ຜັກ, ນ້ຳ ແລະ ວັດຖຸອື່ນໆ, ອອກຈາກເມືອງຊຽງຢຸນກິ່ງແຂວງປົກຄອງຕົນເອງຊົນເຜົ່າປາຍຕາຫຼີ້ໄປແຂວງຫູເປີ່ຍ.