ໃນກອງປະຊຸມຂ່າວທີ່ຈັດຂຶ້ນໃນວັນທີ 17 ກຸມພານີ້, ເຈົ້າໜ້າທີ່ຄະນະກຳມະການອະນາໄມແລະສຸຂະພາບແຫ່ງຊາດຈີນກ່າວວ່າ, ປັດຈຸບັນ, ແຜ່ນດິນໃຫຍ່ຈີນໄດ້ສົ່ງພະນັກງານການແພດ 32.000 ຄົນໄປສະໜັບສະໜູນແຂວງຫູເປີຍແລະນະຄອນອູຮັ້ນ.
ຂ່າວແຈ້ງວ່າ, ໂດຍແນໃສ່ກໍລະນີທີ່ນະຄອນອູຮັ້ນມີຜູ້ເປັນພະຍາດອັກເສບປອດອາການສາຫັດຫຼາຍຄົນ, ຜູ້ທີ່ໄປຊ່ວຍເຫຼືອອູຮັ້ນສ່ວນຫຼາຍແມ່ນຜູ້ຊ່ຽວຊານປິ່ນປົວພະຍາດອາການສາຫັດ ແລະ ມີເຖິງ 11.000 ຄົນ ເຊິ່ງໄດ້ກວມເກືອບ 10% ຂອງຊັບພະຍາກອນມະນຸດ້ານການແພດປົວພະຍາດຂັ້ນສາຫັດໃນທົ່ວປະເທດຈີນ. ປັດຈຸບັນ, ຈີນພວມຮ່າງແຜນການບົ່ງມະຕິແລະປິ່ນປົວສະບັບທີ 6 ເພື່ອຊີ້ນຳວຽກງານປິ່ນປົວ ແລະ ຍົກລະດັບການປິ່ນປົວໃນທົ່ວປະເທດໃຫ້ສູງຂຶ້ນ.
ນອກນີ້, ພາກສ່ວນທີ່ກ່ຽວຂ້ອງຍັງໄດ້ຈັດສັນໜ່ວຍຊ່ວຍເຫຼືອທາງການແພດສຸກເສີນແຫ່ງຊາດ 22 ໜ່ວຍ, 3 ຫ້ອງທົດລອງເຄື່ອນທີ່ P3 ແລະ ພະນັກງານກວດ ແລະ ວິເຄາະໄວຣັສໄປຊ່ວຍເຫຼືອນະຄອນອູຮັ້ນ ແລະ ແຂວງຫູເປີຍ.