ຕອນບ່າຍວັນທີ 24 ກຸມພານີ້, ຄະນະປະຈຳສະພາປະຊາຊົນແຫ່ງຊາດຈີນ ທີ່ເປັນອົງການນິຕິບັນຍັດຂອງຈີນໄດ້ຜ່ານມະຕິຕົກລົງສະບັບໜຶ່ງ ໂດຍເກືອດຫ້າມການກະທຳຄ້າຂາຍສັດປ່າທີ່ຜິດກົດໝາຍຢ່າງຮອບດ້ານດ້ວຍຮູບການນິຕິບັນຍັດຂອງຊາດ, ເພື່ອລົບລ້າງຄວາມຊີງເຄີຍບໍ່ດີທີ່ກິນສັດປ່າທົ່ວທີບ, ແລະຈະລົງໂທດໜັກຕໍ່ການກະທຳທີ່ລະເມີດກົດໝາຍກ່ຽວຂ້ອງ.
ມະຕິຕົກລົງກຳນົດຢ່າງຈະແຈ້ງວ່າ, ສັດປ່າທີ່ຖືກເກືອດຫ້າມລ່າເນື້ອ, ຄ້າຂາຍ, ຂົນສົ່ງ ແລະກິນໃນກົດໝາຍວ່າດ້ວຍການອະນຸລັກສັດປ່າແລະກົດໝາຍອື່ນທີ່ກ່ຽວຂ້ອງນັ້ນ, ຕ້ອງເກືອດຫ້າມຢ່າງເຂັ້ມງວດ.
ມະຕິຕົກລົງດັ່ງກ່າວຈະມີຜົນດີຕໍ່ການຮັກສາຄວາມປອດໄພດ້ານຊີວະຊາດແລະດ້ານນິເວດ, ສາມາດປ້ອງກັນບໍ່ໃຫ້ເກີດຄວາມສ່ຽງດ້ານສາທາລະນະສຸກອັນຮ້າຍແຮງ ແລະຮັກສາຄວາມປອດໄພດ້ານຊີວິດແລະສຸຂະພາບຂອງປະຊາຊົນຢ່າງແທ້ຈິງ.