ສະເຫຼີມສະຫຼອງໜັງສືມພິມລາຍວັນຢຸນນານ ສະບັບປະຖົມມະເລີກຄົບຮອບ 70 ປີ

ວັນທີ 4 ມີນາປີ 2020, ແມ່ນວັນລະນຶກຄົບຮອບ 70 ປີຂອງຫນັງສືພິມລາຍວັນຢຸນນານສະບັບປະຖົມມະເລີກ. ໜັງສືມພິມລາຍວັນຢຸນນານສ້າງຕັ້ງຂຶ້ນໃນວັນທີ 4 ມີນາປີ 1950, ແມ່ນກຸ່ມບໍລິສັດກິດຈະການໜັງສືພິມອັນສຳຄັນຂອງແຂວງຢຸນນານ,ກຸ່ມບໍລິສັດກິດຈະການໜັງສືພິມລາຍວັນຢຸນນານມີເວທີສື່ມວນຊົນຕົ້ນຕໍຂອງແຂວງຢຸນນານເຊັ່ນ ໜັງສືພິມລາຍວັນຢຸນນານ, ເວບໄຊຢຸນນານແລະອື່ນໆ. ມີບົດບາດອັນສຳຄັນໃນການໂຄສະນາສື່ມວນຊົນຢູ່ແຂວງຢຸນນານ,ນອກຈາກນັ້ນ,ໜັງສືພິມລາຍວັນຢຸນນານຍັງມີບົດບາດອັນສຳຄັນໃນດ້ານການແລກປ່ຽນແລະປະຊາສຳພັນໃນສາກົນ.

ກຸ່ມບໍລິສັດກິດຈະການໜັງສືພິມລາຍວັນຢຸນນານໄດ້ຮ່ວມມືກັບສື່ມວນຊົນຫລັກ 10 ກຸ່ມທີ່ມາຈາກ 9 ປະເທດ ອາເມລິກາ, ມຽນມາ, ໄທ, ລາວ, ກຳປູເຈຍ, ອິນໂດເນເຊຍ, ອິນເດຍ, ບັງກະລາເທດ ແລະເນປານ, ເພື່ອຕີພິມໜັງສືພິມສະບັບພິເສດ"ຈີນ-ຢຸນນານ" ໃນ 6 ພາສາ.

ນອກນັ້ນຍັງໄດ້ຈັດພິມວາລະສານພາສາຕ່າງປະເທດ 4 ສະບັບຄື: "ສິລິມຸງຄຸນ"ເປັນພາສາມຽນມາ, "ແມ່ນໍ້າ"ເປັນພາສາໄທ, "ຈໍາປາ"ເປັນພາສາລາວ ແລະ "ຂະເໝນ"ເປັນພາສາກໍາປູເຈຍ. ມີເວບໄຊຂົວຢຸນນານ(Yunnan Gateway) ທີ່ມີ 6 ພາສາຄື: ພາສາຈີນ, ພາສາອັງກິດ, ພາສາມຽນມາ, ພາສາໄທ, ພາສາລາວ ແລະ ພາສາກໍາປູເຈຍ; ໄດ້ເປີດບັນຊີເຟສບຸກ“ສະເໜ່ຢຸນນານ" (Amazing Yunnan), ໃຊ້ພາສາຕ່າງປະເທດເພື່ອເລົ່າເລື່ອງຈີນໃຫ້ດີກວ່າເກົ່າແລະເຜີຍແຜ່ສຽງຂອງຈີນ, ເພື່ອໃຫ້ຄົນຕ່າງປະເທດເຂົ້າໃຈວັດທະນະທຳຈີນຢ່າງຮອບດ້ານ ແລະ ແທ້ຈິງ, ແລະມີຄວາມເຂົ້າໃຈກ່ຽວກັບແຂວງຢຸນນານຢ່າງເລິກເຊິ່ງ.