ວັນທີ 3 ມີນານີ້, ຄະນະກຳມະການພັດທະນາແລະປະຕິຮູບແຫ່ງຊາດຈີນໄດ້ປະກາດວ່າ: ນັບມາຮອດປັດຈຸບັນ, ຈີນໄດ້ສຳເລັດການຍົກຍ້າຍປະຊາກອນຜູ້ທຸກຍາກ 9,3 ລ້ານຄົນ ໄປດຳລົງຊີວິດຢູ່ຖິ່ນອື່ນເພື່ອຫຼຸດຜ່ອນຄວາມທຸກຍາກ ຖືວ່າ ໄດ້ເຮັດສຳເລັດໜ້າທີ່ຍົກຍ້າຍປະຊາກອນຜູ້ທຸກຍາກພ້ອມດ້ວຍການກໍ່ສ້າງທີ່ກ່ຽວຂ້ອງເຊິ່ງກຳນົດໄວ້ໃນແຜນພັດທະນາເສດຖະກິດສັງຄົມແຫ່ງຊາດຄັ້ງທີ 13 ນັ້ນໂດຍພື້ນຖານ ແລະກຳລັງຫັນໄປສູ່ການຈັດຕັ້ງປະຕິບັດວຽກງານຫຼຸດຜ່ອນຄວາມທຸກຍາກໃຫ້ແກ່ຜູ້ທຸກຍາກເຫຼົ່ານີ້ຢ່າງຮອບດ້ານ.
ຕາມແຜນພັດທະນາເສດຖະກິດສັງຄົມແຫ່ງຊາດຄັ້ງທີ 13, ຈີນຈະປະຕິບັດໂຄງການຍົກຍ້າຍປະຊາກອນຜູ້ທຸກຍາກປະມານ 10 ລ້ານຄົນທີ່ດຳລົງຊີວິດຢູ່ເຂດແຄວ້ນທີ່ມີເງື່ອນໄຂການດຳລົງຊີວິດແລະການພັດທະນາຫຍຸ້ງຍາກນັ້ນໄປສູ່ທ້ອງຖິ່ນອື່ນເພື່ອຫຼຸດຜ່ອນຄວາມທຸກຍາກ, ປັດຈຸບັນ, ໄດ້ສ້າງເຂດຈັດສັນໃຫ້ແກ່ຜູ້ທຸກຍາກທີ່ຍົກຍ້າຍຖິ່ນຖານນັ້ນ ສຳເລັດແລ້ວ 39.000 ແຫ່ງ, ໃນນັ້ນ ເຂດຈັນສັນຂະໜາດໃຫຍ່ທີ່ສາມາດຮອງຮັບຜູ້ທຸກຍາກຫຼາຍກວ່າ 10.000 ຄົນນັ້ນ ມີເກືອບ 50 ແຫ່ງ, ແລະໄດ້ສ້າງເຮືອນຈັດສັນ 2,6 ລ້ານກວ່າຊຸດ.