ທ່ານ ຈູຢົວຢົງ ນັກປາດບັນດິດຂອງສະພາວິສະວະກຳຈີນຂາຍມັນຝະລັ່ງຜ່ານການຖ່າຍທອດສົດ

ທ່ານ ຈູຢົວຢົງ ເປັນນັກປາດບັນດິດຂອງສະພາວິສະວະກຳຈີນ, ອະທິບໍດີກິດຕິມະສັກຂອງມະຫາວິທະຍາໄລກະສິກຳຢຸນນານ, ປະທານສະມາຄົມເຕັກໂນໂລຢີແຂວງຢຸນນານ, ຊ່ຽວຊານພະຍາດວິທະຍາພືດທີ່ມີຊື່ສຽງໃນ ສປ ຈີນ. ຫຼາຍປີຜ່ານມາ,ລາວໄດ້ຊ່ວຍເຫຼືອ ແລະ ຊີ້ນຳຊາວກະສິກອນປູກມັນຝະລັ່ງໃນບ້ານເກົ່າຈີ່ບາ ເມືອງລ້ານຊ້າງພູເອີ ແຂວງຢຸນນານ.

ເນື່ອງຈາກໄດ້ຮັບຜົນກະທົບຈາກການລະບາດຂອງພະຍາດໂຄວິດ-19. ໃນປີນີ້ບໍ່ມີຜູ້ຈຳໜ່າຍໃດມາຊື້ມັນຝະລັ່ງລະດູໜາວຂອງບ້ານເກົ່າຈີ່ບາ.ເພື່ອຊ່ວຍໃຫ້ຊາວນາໃນທ້ອງຖິ່ນຂາຍມັນຝະລັ່ງໃຫ້ໄດ້ໄວໆ, ທ່ານ ຈູຢົວຢົງ ໄດ້ເລີ່ມການຖ່າຍທອດສົດ,ຂາຍມັນຝະລັ່ງອອນລາຍ. ໃນການຖ່າຍທອດສົດ, ທ່ານ ຈູຢົວຢົງ ໄດ້ແນະນຳວິທີການຄັດເລືອກແລະປຸງແຕ່ງອາຫານຂອງມັນຝະລັ່ງ. ມີຊາວເນັດຫຼາຍກວ່າ 1,1 ລ້ານຄົນໄດ້ເບິ່ງການຖ່າຍທອດສົດຜ່ານທາງອິນເຕີເນັດ.

ປັດຈຸບັນ,ບ້ານເກົ່າຈີ່ບາໄດ້ປູກມັນຝະລັ່ງຫຼາຍກວ່າ 150 ເຮັກຕາ, ແລະ ລາຍຮັບສະເລ່ຍແຕ່ລະປີຂອງຊາວນາແຕ່ລະຄົນສາມາດເພີ່ມຈາກ 5,000 ຫາ 8,000 ຢວນ.