ຕອນຄ່ຳວັນທີ 10 ເມສານີ້, ທ່ານສີຈິ້ນຜິງ ປະທານປະເທດຈີນໄດ້ລົມກັບທ່ານນີໂກລາສ ມາດູໂຣ ປະທານາທິບໍດີເວເນຊູເອລາຜ່ານທາງໂທລະສັບ.
ທ່ານສີຈິ້ນຜິງກ່າວວ່າ, ພາຍຫຼັງສະພາບພະຍາດ COVID-19 ເກີດຂຶ້ນ, ໂດຍປະຕິບັດຕາມທັດສະນະຄະຕິກ່ຽວກັບປະຊາຄົມຮ່ວມຊາຕາກຳມວນມະນຸດ, ຈີນໄດ້ສະໜອງການສະໜັບສະໜູນແລະການຊ່ວຍເຫຼືອເທົ່າທີ່ສາມາດເຮັດໄດ້ໃຫ້ປະເທດທີ່ມີຄວາມຕ້ອງການ. ໂດຍໄດ້ສະໜອງການຊ່ອຍເຫຼືອທາງວັດຖຸສິ່ງຂອງປ້ອງກັນພະຍາດຫຼາຍງວດ, ແລະໄດ້ສົ່ງໜ່ວຍຊ່ຽວຊານການແພດລະດັບສູງໃຫ້ເວເນຊູເອລາ. ຝ່າຍຈີນຍິນດີເພີ່ມການຮ່ວມມືປ້ອງກັນຄວບຄຸມພະຍາດກັບຝ່າຍເວເນຊູເອລາ, ສືບຕໍ່ສະໜອງການຊ່ອຍເຫຼືອ.
ທ່ານມາດູໂຣກ່າວວ່າ, ການຕ້ານກັບພະຍາດ COVID-19 ຂອງຈີນໄດ້ຣັບໝາກຜົນລັກສະນະຂັ້ນຕອນອັນສຳຄັນຢ່າງໃຫຍ່ຫຼວງ, ມາດຕະການທີ່ສຳເລັດຜົນຂອງຝ່າຍຈີນເປັນບົດຮຽນທີ່ດີສຳລັບເວເນຊູເອລາ. ຝ່າຍຈີນໄດ້ສະໜອງການຊ່ອຍເຫຼືອຈຳນວນຫຼວງຫຼາຍໃຫ້ການຕ້ານກັບພະຍາດຂອງຝ່າຍເວນາຊູເອລາ, ແລະໄດ້ສົ່ງໜ່ວຍຊ່ຽວຊານການແພດມາສູ້ຮົບຮ່ວມກັບປະຊາຊົນເວເນຊູເອລາ. ສຳລັບປະຊາຊົນເວເນຊູເອລາທີ່ພວມຢູ່ໃນໄລຍະລຳບາກ, ການສະໜັບສະໜູນແລະການຊ່ອຍເຫຼືອຂອງຈີນແມ່ນລ້ຳຄ່າທີ່ສຸດ, ເຊິ່ງໄດ້ສະແດງໃຫ້ເຫັນເຖິງຈິດໃຈຮ່ວມມືສາມັກຄີໃຫ້ທົ່ວໂລກດ້ວຍການກະທຳຕົວຈິງ.