ຢາວັກແຊັງພະຍາດໂຄວິດ-19 ຣີຄອບບີແນນ ທີ່ນຳພາການຄົ້ນຄວ້າໂດຍບັນດິດນາງ ເສີນເວີ່ຍ ສະຖາບັນຄົ້ນຄວ້າໂຄງການຊີວະພາບຂອງສະຖາບັນຄົ້ນຄວ້າແພດສາດການທະຫານຂອງສະພາບັນດິດວິທະຍາສາດການທະຫານຂອງຈີນ ແລະ ຈີນໄດ້ຄົ້ນຄວ້າຜະລິດຢ່າງເປັນເຈົ້າຕົນເອງແລະມີຊັບສິນທາງປັນຍາເປັນຂອງຕົນເອງຢ່າງເຕັມສ່ວນພວມເຂົ້າສູ່ການທົດລອງປິ່ນປົວໄລຍະສອງ.
ຂ່າວແຈ້ງວ່າ: ຢາວັກແຊັງຂອງພະຍາດໂຄວິດ-19 ຣີຄອບບີແນນຂອງຈີນໄດ້ຮັບການອະນຸມັດໃຫ້ທົດລອງປິ່ນປົວໃນວັນທີ 16 ມີນາປີນີ້,ໃນໄລຍະໜຶ່ງມີອາສາສະໝັກ 108 ຄົນເຂົ້າຮ່ວມທີ່ມີອາຍຸຢູ່ລະຫວ່າງ 18 ຫາ 60 ປີ. ໃນຕະຫຼອດການທົດລອງຕ້ອງເກັບຕົວຢ່າງເລືອດ 7 ເທື່ອ,ຕົ້ນຕໍແມ່ນໃຊ້ໃນການກວດຫາພູມຕ້ານທານພະຍາດ.ການທົດລອງດ້ານການປິ່ນປົວພະຍາດໄລຍະສອງໄດ້ເລີ່ມປະຕິບັດໃນຫວ່າງມໍ່ໆມານີ້,ໄດ້ສະໝັກຮັບເອົາຜູ້ໃຫຍ່ທີ່ມີສຸຂະພາບແຂງແຮງທີ່ມີອາຍຸ 18 ປີແລະ 18 ປີຂຶ້ນໄປ,ຜູ້ສະໝັກໃຈຕ້ອງມີ “ໂຄດສຸຂະພາບສີຂຽວ” ຂອງແຂວງຫູເປີຍ,ບໍ່ມີປະຫວັດແພ້ຢາວັກແຊັງ,ບໍ່ມີປະຫວັດການເປັນຫຼືຕິດແປດພະຍາດໂຄວິດ-19. ຕະຫຼອດການທົດລອງໄລຍະ 2 ຕ້ອງໄດ້ ເກັບຕົວຢ່າງເລືອດ 4 ເທື່ອ.