ກອງປະຊຸມປະດິດສ້າງໃໝ່ແລະປະຍຸກໃຊ້ 5G ອ່າວເຊີນເຈິ້ນ 2020 ທີ່ມີຫົວຂໍ້ວ່າ “ເຕັກນິກ 5G, ສ້າງຄວາມສາມາດດ້ານທຸລະກິດທີ່ໄຮ້ຂີດຈຳກັດ” ໄດ້ຈັດຂຶ້ນຢູ່ນະຄອນເຊີນເຈິ້ນໃນວັນທີ 10 ພຶດສະພານີ້, ກອງປະຊຸມໄດ້ຖ່າຍທອດສົດໄປທົ່ວໂລກດ້ວຍລະບົບ 5G, ໂດຍມີຜູ້ເຂົ້າຮ່ວມຕິດຕາມທາງອິນເຕີເນັດຫຼາຍກວ່າ 1 ແສນເທື່ອຄົນ.
ນັກຄົ້ນຄວ້າ, ນັກວິສາຫະກິດ, ນັກລົງທຶນທີ່ກ່ຽວຂ້ອງກັບລະບົບ 5G ທັງຫຼາຍກ່າວວ່າ: ຈະຖືເອົາເວັບໄຊທົດລອງ 5G ຂອງເຊີນເຈິ້ນເປັນເຄື່ອງມື, ຕັ້ງໜ້າເຂົ້າຮ່ວມການຄົ້ນຄວ້າແລະປະດິດສ້າງໃໝ່ 5G, ຮ່ວມກັນຊຸກຍູ້ການຫັນປ່ຽນໂຄງປະກອບແລະຍົກລະດັບອຸດສາຫະກຳດີຈີຕອນແລະປະຍຸກໃຊ້.