ວັນທີ 14 ພຶດສະພານີ້, ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ທີ່ປັກກິ່ງວ່າ, ຈີນທວງໃຫ້ອາເມລິກາຢຸດຕິການໃສ່ຮ້າຍປ້າຍສີຈີນໃນທັນທີ, ຢຸດຕິການພິຈາລະນາຮ່າງກົດໝາຍຕ້ານຈີນທີ່ກ່ຽວຂ້ອງ, ຂັດຂວາງຕໍ່ການກ່າວຟ້ອງຈີນແບບໂລເລ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ,ທ່ານຈ້າວລີ້ຈ່ຽນກ່າວເນັ້ນວ່າ: “ຢູ່ອາເມຣິກາ ມີຄົນຈຳນວນໜຶ່ງມີຄວາມອ່ອນແອໃນການຕ້ານກັບພະຍາດໂຄວິດ19,ເຮັດໃຫ້ປະຊາຊົນອາເມຣິກາຜິດຫວັງ,ທັງຍັງບໍ່ໄດ້ເອົາໃຈໃສ່ພິຈາລະນາວ່າຈະເຮັດແນວໃດເພື່ອປັບປຸງວຽກງານໃຫ້ດີຂຶ້ນ,ພັດມັກຫຼິ້ນອຸບາຍທາງການເມືອງສ້າງເລື່ອງໃຫ້ຄົນອື່ນແລະໂຍນຄວາມຮັບຜິດຊອບໃຫ້ຄົນອື່ນ,ຊອກທຸກວິທີທາງເພື່ອກ່າວຟ້ອງຈີນແບບໂລເລ,ກໍ່ເລື່ອງອັນທີ່ວ່າສືບສວນຫາຄວາມຮັບຜິດຊອບຕໍ່ຈີນ.ຈີນທວງໃຫ້ອາເມຣິກາຢຸດຕິການໃສ່ຮ້າຍປ້າຍສີຈີນໃນທັນທີ,ຢຸດຕິການພິຈາລະນາຮ່າງກົດໝາຍຕ້ານຈີນທີ່ກ່ຽວຂ້ອງ, ຂັດຂວາງຕໍ່ການກ່າວຟ້ອງຈີນແບບໂລເລ. ຫັນໄປເອົາໃຈໃສ່ຕ້ານກັບການແຜ່ລະບາດຂອງພະຍາດໂຄວິດ19 ແລະປ້ອງກັນຊີວິດແລະສຸຂະພາບຂອງປະຊາຊົນອາເມຣິກາໃຫ້ຫຼາຍກວ່າເກົ່າ, ຢຸດຕິການຫຼິ້ນເກມຕິຕຽນທີ່ບໍ່ມີເຫດຜົນແບບນີ້ອີກ.”