ຕາມຂ່າວCRI: ແນໃສ່ກະຊວງການຄ້າອາເມລິກາດັດແກ້ຂໍ້ກຳນົດດ້ານການສົ່ງອອກຜະລິດຕະພັນໂດຍກົງ, ໃນພິທີໄຂກອງປະຊຸມນັກວິເຄາະທົ່ວໂລກຄັ້ງທີ 17 ທີ່ໄດ້ໄຂຂຶ້ນໃນຕອນບ່າຍວັນທີ 18 ພຶດສະພານີ້, ທ່ານໂກຜີງ, ປະທານໝູນວຽນຂອງບໍລິສັດຮວາເຫວີຍໄດ້ກ່າວຖະແຫຼງຂອງບໍລິສັດຕໍ່ສື່ມວນຊົນ.
ຖະແຫຼງການລະບຸວ່າ, ບໍລິສັດຮວາເຫວີຍຄັດຄ້ານຢ່າງຮຸນແຮງຕໍ່ກະຊວງການຄ້າອາເມລິກາທີ່ດັດແກ້ຂໍ້ກຳນົດກ່ຽວກັບຜະລິດຕະພັນໂດຍກົງທີ່ແນໃສ່ບໍລິສັດຮວາເຫວີຍພຽງບໍລິສັດດຽວ. ນັບແຕ່ວັນທີ 16 ພຶດສະພາຂອງປີ 2019 ແລ້ວນີ້ບໍລິສັດຮວາເຫວີຍຖືກອາເມຣິກາຈັດເຂົ້າໃນອົງການຕົວຈິງໂດຍບໍ່ມີເຫດຜົນ, ບໍລິສັດຮວາເຫວີຍໄດ້ສຸມໃສ່ການເຄົາລົບຕາມກົດໝາຍແລະກົດລະບຽບທີ່ກ່ຽວຂ້ອງ, ປະຕິບັດຕາມສັນຍາແລະພາລະໜ້າທີ່ໃນຂໍ້ຜູກພັນລະຫວ່າງຕົນກັບລູກຄ້າແລະຝ່າຍການສະໜອງ, ໄດ້ດຳເນີນທຸລະກິດຢ່າງລຳບາກແລະພະຍາຍາມພັດທະນາໄປໜ້າ.
ການດັດແກ້ຂໍ້ກຳນົດຄັ້ງນີ້ຈະກະທົບຢ່າງໜັກໜ່ວງຕໍ່ຂະແໜງການທີ່ກ່ຽວຂ້ອງໃນທົ່ວໂລກ. ອາເມລິກາໂຈມຕີວິສາຫະກິດຂອງປະເທດອື່ນດ້ວຍທ່າແຮງດ້ານເຕັກໂນໂລຊີຂອງຕົນ, ຈະປັ່ນທອນຄວາມໝັ້ນໃຈໃນການນຳໃຊ້ເຕັກໂລໂລຊີອາເມລິກາຂອງວິສາຫະກິດປະເທດຕ່າງໆ, ສຸດທ້າຍຈະທຳລາຍຜົນປະໂຫຍດຂອງຕົນນັ້ນເອງ.