ໂດຍຜ່ານການກໍ່ສ້າງເປັນເວລາຫຼາຍກວ່າ 4 ປີ, ວັນທີ 24 ພຶດສະພານີ້, ໄດ້ສຳເລັດການເຈາະອຸໂມງກ່ານຈວ່າງຂອງທາງລົດໄຟຈີນ-ລາວ ເຊິ່ງເປັນອຸໂມງທີ່ມີຄວາມຍາວ 15 ກິໂລແມັດທັງມີຄວາມສ່ຽງສູງລະດັບໜຶ່ງຂອງທາງລົດໄຟຈີນ-ລາວແຫ່ງທຳອິດ.
ອຸໂມງກ່ານຈວ່າງທີ່ມີຄວາມຍາວ 15,2 ກິໂລແມັດຕັ້ງຢູ່ເມືອງຢວນຈ່ຽງນະຄອນຢູ້ຊີ່ແຂວງຢຸນນານ, ເລິກລົງໃຕ້ດິນເຖິງ 860 ແມັດ, ຂ້າມແນວຮອຍແຕກ(fault)ຢູ່ໃຕ້ດິນ 8 ເສັ້ນ.
ທ່ານ ເຈີ່ງສຽງຈີ້ ຮອງຫົວໜ້າກອງບັນຊາການກໍ່ສ້າງທາງລົດໄຟພາກໃຕ້ຢຸນນານຂອງກຸ່ມບໍລິສັດທາງລົດໄຟຈີນສາຂາຄຸນໝິງໄດ້ແຈ້ງໃຫ້ຮູ້ວ່າ: ປັດຈຸບັນ, ໃນຈຳນວນອຸໂມງ 93 ແຫ່ງຂອງທາງລົດໄຟຢູ້ຊີ່-ບໍ່ຫານຕອນຢູ່ຈີນຂອງທາງລົດໄຟຈີນ-ລາວໄດ້ສຳເລັດການເຈາະອຸໂມງສຳເລັດແລ້ວ 67 ແຫ່ງ, ສ່ວນການປູລາງລົດໄຟ,ສ້າງຂົວ,ສະຖານີລົດໄຟແລະການກໍ່ສ້າງອື່ນໆໃນໂຄງການພວມຊຸກຍູ້ການປະຕິບັດງານຢ່າງໝັ້ນທ່ຽງເປັນກ້າວໆ.