ວັນທີ 22 ພຶດສະພານີ້, ຢູ່ນະຄອນຫຼວງປັກກິ່ງ, ທ່ານຫຼົວເຈ໋ຍ ຜູ້ອຳນວຍການໂຮງໝໍທ້າຍເຮີນະຄອນສືຢ້ຽນແຂວງຫູເປີຍຈີນກ່າວວ່າ, ຕະຫຼອດໄລຍະການແຜ່ລະບາດຂອງພະຍາດໂຄວິດ-19, ພະນັກງານການແພດອັນໄພສານຂອງຈີນໄດ້ເຝົ້າລະວັງເບິ່ງແຍງທຸກໆຊີວິດຢ່າງສຸດຄວາມສາມາດ, ໄດ້ປິ່ນປົວຜູ້ເປັນພະຍາດໂຄວິດ-19 ທີ່ມີອາຍຸ 80 ປີຂຶ້ນໄປ 3.600 ກໍລະນີຢ່າງປະສົບຜົນສຳເລັດ ແລະ ຜູ້ທີ່ມີອາຍຸ 100 ປີຂຶ້ນໄປມີ 7 ກໍລະນີ.
ທ່ານຫຼົວເຈ໋ຍກ່າວຕື່ມວ່າ, ມີກໍລະນີໜຶ່ງຕົນຈື່ໄດ້ດີຫຼາຍ, ມີຜູ້ຖືກບົ່ງມະຕິເປັນພະຍາດໂຄວິດ-19 ຄົນທີ່ມີອາຍຸ 87 ປີ, ທັງມີພະຍາດປະຈຳໂຕ ຄືຄວາມດັນເລືອດສູງ, ພະຍາດເບົາຫວານ ແລະ ພະຍາດອື່ນໆແຊກຊ້ອນ. ໃນເວລາເຂົ້າປິ່ນປົວຢູ່ໂຮງໝໍ, ຄົນເຈັບຫາຍໃຈຍາກ ແລະ ຫາຍໃຈຝືດ. ທາງໂຮງໝໍໄດ້ສ້າງຈຸປິ່ນປົວທີ່ປະກອບມີສະມາຊິກ 9 ຄົນ ເຊິ່ງລວມທັງຫົວໜ້າແພດໝໍ, ພະຍາບານ, ໝໍຜູ້ຊ່ຽວຊານທາດບຳລຸງ, ຈິດຕະແພດເປັນຕົ້ນ, ໝົດທຸກຄົນໄດ້ສຸມຄວາມພະຍາຍາມຢ່າງສຸດຂີດ ເຊິ່ງໄດ້ກອບກູ້ຊີວິດຂອງຜູ້ປ່ວຍຄືນໄດ້ ແລະ ໄດ້ປົວໃຫ້ຫາຍຂາດ ແລະ ອອກໂຮງໝໍໃນທີ່ສຸດ.
ທ່ານຫຼົວເຈ໋ຍກ່າວອີກວ່າ, ທ່ານຂໍເຊື້ອເຊີນຄົນທັງຫຼາຍທີ່ເຄີຍຊ່ວຍເຫຼືອ, ສະໜັບສະໜູນ ແລະ ເອົາໃຈໃສ່ແຂວງຫູເປີຍນັ້ນມາທ່ຽວຫູເປີຍອີກຄັ້ງໜຶ່ງ ເພື່ອສຳຜັດກັບແຂວງຫູເປີຍ ທີ່ພວມຟື້ນຟູຄວາມສວຍງາມ ແລະ ຄວາມມີຊີວິດຊີວາຄືນໃໝ່.