ວັນທີ 25 ພຶດສະພານີ້, ທ່ານຈົ່ງຊ່ານ ລັດຖະມົນຕີກະຊວງການຄ້າຈີນ ໄດ້ໃຫ້ສຳພາດຢູ່ບໍລິເວນເຂດໃຫ້ສຳພາດສຳລັບລັດຖະມົນຕີໃນກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນສະໄໝທີ 13 ວ່າ: ການຄ້າກັບຕ່າງປະເທດແລະການລົງທຶນຈາກຕ່າງປະເທດແມ່ນເນື້ອໃນສຳຄັນຂອງການປະຕິຮູບແລະເປີດປະຕູສູ່ພາຍນອກ ແລະ ກໍແມ່ນໝາກຜົນສຳຄັນຂອງການປະຕູຮູບແລະເປີດປະຕູສູ່ພາຍນອກເຊັ່ນກັນ. ຂໍແຕ່ວ່າ ອົງປະກອບສຳຄັນຂອງການຄ້າກັບຕ່າງປະເທດສາມາດຮັກສາຄວາມໝັ້ນທ່ຽງໄດ້, ການຄ້າກັບຕ່າງປະເທດຂອງຈີນກໍຈະສາມາດຮັກສາຄວາມໝັ້ນທ່ຽງໄດ້ ແລະ ມີການພັດທະນາຢ່າງແນ່ນອນ.
ທ່ານຈົ່ງຊ່ານກ່າວວ່າ: ຢາກດຶງດູດທຶນຕ່າງປະເທດໃຫ້ໄດ້ຢ່າງໝັ້ນທ່ຽງ, ຕົ້ນຕໍຈະຕ້ອງເຮັດສອງວຽກໃຫ້ດີ ຄື: ໜຶ່ງ, ເປີດກວ້າງການລົງທຶນຂອງຕ່າງປະເທດ. ນີ້ຕ້ອງການໃຫ້ພວກເຮົາເປີດກວ້າງການເປີດປະຕູສູ່ພາຍນອກຕື່ມອີກ, ຜ່ອນຄາຍເງື່ອນໄຂໃຫ້ທຶນຕ່າງປະເທດສາມາດເຂົ້າເຖິງຕະຫຼາດ, ຕັດບັນຊີລາຍການທາງລົບສຳລັບທຶນຕ່າງປະເທດ, ໃຫ້ນັກລົງທຶນຕ່າງປະເທດມີຄວາມຍິນດີມາລົງທຶນຢູ່ຈີນ ແລະ ສອງ, ຂໍແຕ່ວ່າພະຍາຍາມບໍ່ໃຫ້ທຶນຕ່າງປະເທດໄຫຼອອກຈາກຈີນ, ຜັນຂະຫຍາຍແລະຈັດຕັ້ງປະຕິບັດ “ກົດໝາຍວ່າດ້ວຍການລົງທຶນຂອງນັກທຸລະກິດຕ່າງປະເທດ”, ສ້າງສະພາບແວດລ້ອມການດຳເນີນທຸລະກິດຢ່າງທ່ຽງທຳ, ຍຸຕິທຳ ແລະ ໂປ່ງໃສ, ປົກປ້ອງສິດແລະຜົນປະໂຫຍດຂອງນັກທຸລະກິດຕ່າງປະເທດ ແລະ ປົກປ້ອງຊັບສິນທາງປັນຍາ ເພື່ອໃຫ້ນັກທຸລະກິດຕ່າງປະເທດມີຄວາມຍິນດີມາລົງທຶນແລະພັດທະນາທຸລະກິດຢູ່ຈີນດ້ວຍຄວາມເຊື່ອໝັ້ນແລະອຸ່ນອຽນໃຈ.