ເປັນຫຍັງຜູ້ແທນສະພາປະຊາຊົນແຫ່ງຊາດຈີນທີ່ມາຈາກແຂວງຫູເປີຍຜູ້ນີ້ຈິ່ງໄດ້ກົ້ມຫົວສະແດງຄວາມຂອບໃຈ?
ໃນໄລຍະຈັດກອງປະຊຸມສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນຢູ່ທີ່ນະຄອນຫຼວງປັກກິ່ງ, ຄະນະຜູ້ແທນແຂວງຫູເປີຍພວມຄົ້ນຄ້ວາພິຈາລະນາບົດລາຍງານວຽກງານຂອງລັດຖະບານ, ເມື່ອນາງອີເສີງ ຜູ້ແທນສະພາປະຊາຊົນແຫ່ງຊາດຈີນຈາກໂຮງຮຽນອຸດສາຫະກຳເບົາເລກ 2 ຂອງນະຄອນອູຮັ້ນໄດ້ປະກອບຄຳເຫັນແລ້ວແລ້ວ ນາງໄດ້ຍືນກົ້ມຫົວສະແດງຄວາມຂອບໃຈດ້ວຍຄວາມຈິງໃຈ ເຊິ່ງມີຄວາມໝາຍອັນເລິກເຊິ່ງ.
ນາງອີເສີງເປັນຄູສອນ, ເມື່ອການແຜ່ລະບາດຂອງພະຍາດໂຄວິດ-19 ຢ່າງຮ້າຍແຮງເຮັດໃຫ້ນະຄອນອູຮັ້ນຕ້ອງໄດ້ປິດເມືອງ, ນາງໄດ້ເປັນອາສາສະໝັກ ໂດຍຮ່ວມກັບພະນັກງານເຂດຊຸມຊົນແລະອາສາສະໝັກຄົນອື່ນໆ ເປັນຜູ້ປະສານງານ, ຜູ້ກວດກາ, ຜູ້ຊ່ວຍຊື້ເຄື່ອງ ແລະຜູ້ສົ່ງເຄື່ອງໃຫ້ແກ່ປະຊາຊົນ ເພື່ອຮັບປະກັນຄວາມຕ້ອງການດ້ານຊີວິດການເປັນຢູ່ແລະການປິ່ນປົວພະຍາດຂອງປະຊາຊົນຢູ່ເຂດຊຸມຊົນຢ່າງສຸດຄວາມສາມາດ.
ຢູ່ໃນເຂດຊຸມຊົນທີ່ນະຄອນອູຮັ້ນແຫ່ງໜຶ່ງໃນໄລຍະການແຜ່ລະບາດພະຍາດ, ນາງອີເສີງຜູ້ເປັນອາສາສະໝັກໄດ້ຊ່ວຍສົ່ງຜັກໃຫ້ແກ່ປະຊາຊົນ
ໃນຖານະເປັນຜູ້ແທນສະພາປະຊາຊົນແຫ່ງຊາດຈີນທີ່ມາຈາກຂັ້ນຮາກຖານຂອງນະຄອນອູຮັ້ນ, ນາງໄດ້ເລົ່າເລື່ອງຈິງທີ່ເກີດຂຶ້ນຢູ່ທີ່ຕົນໄດ້ເຫັນພໍ້.
ຄອບຄົວ 4 ຄົນໄດ້ເຕົ້າໂຮມກັນຢ່າງມີຄວາມສຸກ
ຄອບຄົວ 4 ຄົນຂອງໝູ່ຮ່ວມງານນາງອີເສີງໄດ້ຕິດເຊື້ອພະຍາດໂຄວິດ-19ທັງໝົດ. ນາງອີເສີງເວົ້າວ່າ: “ຄອບຄົວນີ້ໄດ້ຜ່ານຜ່າຄວາມຫຍຸ້ງຍາກທີ່ບໍ່ມີຕຽງນອນຢູ່ໂຮງໝໍໃນເປື້ອງຕົ້ນ, ຕໍ່ມາໄດ້ຮັບການປິ່ນປົວໃນຖານະຄົນເຈັບທີ່ມີອາການເບົາແລ້ວຖືກສົ່ງໄປໂຮງໝໍຊົ່ວຄາວ. ແຕ່ລູກເຂີຍຂອງລາວມີອາການໜັກ ຈິ່ງຖືກສົ່ງໄປກອບກູ້ຊີວິດຢູ່ຫ້ອງ ICU ຢ່າງຮີບດ່ວນ. ສຸດທ້າຍ 4 ຄົນໃນຄອບຄົວກໍສາມາດຟື້ນຟູສຸຂະພາບແລະອອກໂຮງໝໍໄດ້ແລ້ວ, ສາມາດເຕົ້າໂຮມກັນຢ່າງມີຄວາມສຸກ. ລູກສາວຂອງລາວໄດ້ຂຽນຈົດໝາຍເຖິງຂ້ອຍວ່າ: ໃນການປິ່ນປົວພະຍາດຄັ້ງນີ້, ຢາກຂໍສະແດງຄວາມຂອບໃຈຢ່າງຈິງໃຈຕໍ່ທ່ານເລຂາທິການໃຫຍ່ສີຈິ້ນຜິງ, ຂອບໃຈທຸກຄົນທີ່ເຄີຍໃຫ້ການຊ່ວຍເຫຼືອແກ່ນະຄອນອູຮັ້ນ, ບຸນຄຸນເຫຼົ່ານີ້ພວກເຮົາຈະຈື່ຈຳໄປຕະຫຼອດຊີວິດ.”
ສິ່ງມະຫັດສະຈັດດ້ານຊີວິດຂອງຜູ້ເຖົ້າອາຍຸ 87 ປີ
ຜູ້ເປັນພະຍາດໂຄວິດ-19 ທີ່ມີອາຍຸ 87 ປີຜູ້ໜຶ່ງ ມີພະຍາດປະຈຳໂຕອື່ນໆອີກ ເຊັ່ນ: ຄວາມດັດເລືອດສູງ,ພະຍາດເບົາຫວານ, ພະຍາດປອດຊຳເຮື້ອທີ່ຕີບຕັນຫຼືCOPD ເປັນຕົ້ນ. ຕອນທີ່ຄົນເຈັບເຂົ້າໂຮງໝໍມີອາການຫາຍໃຈຍາກ, ຫາຍໃຈຫອບຫືດ. ທາງໂຮງໝໍໄດ້ຈັດສັນໜ່ວຍແພດ 9 ຄົນເຊິ່ງປະກອບດ້ວຍ ຫົວໜ້າແພດ,ພະຍາບານ, ນັກໂພສະນາການ,ຈິດຕະແພດແລະອື່ນໆ, ຄົນທັງຫຼາຍໄດ້ພະຍາຍາມຈົນສຸດຄວາມສາມາດເພື່ອກອບກູ້ຊີວິດຄົນເຈັບຜູ້ນີ້ໂດຍໄດ້ເຮັດໃຫ້ເພິ່ນພົ້ນຈາກຂີດອັນຕະລາຍຫຼາຍເທື່ອ, ໃນທີ່ສຸດກໍສາມາດປິ່ນປົວໃຫ້ຫາຍຂາດແລະ ອອກໂຮງໝໍໄດ້.
ຕອນທ່ຽງວັນທີ 9 ເມສາ ປີ2020ນີ້, ທ່ານວາງຊິ່ນ ຜູ້ເປັນພະຍາດໂຄວິດ-19ທີ່ມີອາຍຸ 87 ປີທີ່ໄດ້ຮັບການປິ່ນປົວໃຫ້ຫາຍຂາດແລ້ວອອກໂຮງໝໍນັ້ນໄດ້ໂອບກອດກັບທ່ານໝໍດ້ວຍຄວາມຕື້ນຕັນໃຈ.
ທ່ານນາງອີເສີງ ໄດ້ເລົ່າສູ່ຟັງວ່າ: ມີຜູ້ເຖົ້າອາຍຸ 80ກວ່າປີໄດ້ເວົ້າກັບຕົນວ່າ: “ຊີວິດກໍກາຍມາເຄິ່ງຊີວິດແລ້ວ,ແຕ່ປະສົບການແຜ່ລະບາດຂອງພະຍາດຢ່າງຮ້າຍແຮງປານນີ້ແມ່ນເທື່ອທຳອິດ. ແຕ່ບໍ່ຄິດບໍ່ຝັນວ່າ:ສະພາບການແຜ່ລະບາດຂອງພະຍາດໄດ້ຮັບການປ່ຽນແປງໄປໃນທາງທີ່ດີແລະສາມາດຄວບຄຸມໄວ້ໄດ້ພາຍໃນໄລຍະເວລາອັນສັ້ນແບບນີ້.ມີພຽງແຕ່ຢູ່ພາຍໃຕ້ການນຳພາຂອງພັກກອມມູນິດຈີນ ແລະຢູ່ໃຕ້ລະບອບສັງຄົມນິຍົມເທົ່ານັ້ນຈິ່ງຈະສາມາດເຮັດໄດ້.”
ຄວາມອົບອຸ່ນທີ່ມາຈາກປາເປັນໂຕໜຶ່ງ
ອູຮັ້ນເປັນຕົວເມືອງທີ່ສ້າງຂຶ້ນຕາມແຄມແມ່ນ້ຳຢາງຊີກ້ຽງ. ປາເປັນອາຫານເຍື່ອງສຳຄັນທີ່ສຸດໃນຊີວິດປະຈຳວັນຂອງຄົນອູຮັ້ນ. ສິ່ງທີ່ເຮັດໃຫ້ທ່ານນາງອີເສີງລືມຍາກນັ້ນຄືໃບໜ້າທີ່ເຕັມໄປດ້ວຍຄວາມຕື່ນເຕັ້ນດີໃຈຂອງ ພໍ່ເຖົ້າລ້ຽວ ຊາວເມືອງອູຮັ້ນ ໃນເວລາທີ່ນາງສົ່ງປາເປັນເປັນທີ່ຍັງເຕັ້ນຢູ່ໂຕໜຶ່ງໄປເຖິງມືຂອງເພິ່ນ.
ນາງອີເສີງບອກວ່າ: ຕົ້ນເດືອນມີນາປີນີ້, ທ່ານສີຈິ້ນຜິງໄດ້ໄປສຳຫຼວດກວດກາວຽກງານຢູ່ນະຄອນອູຮັ້ນໂດຍໄດ້ຮຽກຮ້ອງວ່າ: ຕ້ອງຊອກຫາທຸກວິທີທາງເພື່ອຮັບປະກັນຊີວິດການເປັນຢູ່ຂັ້ນພື້ນຖານຂອງປະຊາຊົນ, ຮັບປະກັນການສະໜອງເຄື່ອງໃຊ້ສອຍປະຈຳວັນອັນຈຳເປັນເຊັ່ນ:ເຂົ້າ,ແປ້ງໝີ່, ນ້ຳມັນປຸງແຕ່ງອາຫານ, ຊີ້ນ, ໄຂ່, ນົມແລະອື່ນໆ. ທ່ານຍັງຮຽກຮ້ອງເປັນພິເສດວ່າ: “ປະຊາຊົນອູຮັ້ນມັກກິນປາເປັນເປັນ, ຖ້າມີເງື່ອນໄຂອຳນວຍ, ຄວນໃຫ້ການສະໜອງໃຫ້ຫຼາຍແດ່.”
ວັນທີ 19 ມີນາປີ 2020, ນະຄອນສຽນນິງແຂວງຫູເປີຍໄດ້ຈັດສົ່ງປາເປັນ170ກວ່າໂຕນໄປເຖິງເປົ້າໝາຍຢູ່ນະຄອນອູຮັ້ນ.
ເມື່ອນະຄອນອູຮັ້ນຖືກປິດເມືອງເນື່ອງຈາກພະຍາດໂຄວິດ-19, ໄດ້ສ້າງອົງການສະເພາະທີ່ຮັບຜິດຊອບສົ່ງປາໃຫ້ປະຊາຊົນ, ຕາມຂໍ້ມູນຈັດຊື້ທີ່ສະຖິຕິໂດຍພະນັກງານເຂດຊຸມຊົນບໍລິສັດສິນໃນນ້ຳໄດ້ຈັດສົ່ງເຖິງເຂດຊຸມຊຸນ, ອາສາສະໝັກແບ່ງ ແລະຫໍ່ ແລ້ວຈຶ່ງຈັດສົ່ງໄປສົ່ງເຖິງປະຕູອາຄານ, ຜູ້ຮັບຜິດຊອບຂອງແຕ່ລະອາຄານຈັດສົ່ງປາຕໍ່ໃຫ້ປະຊາຊົນ.
ວັນທີ 19 ມີນາປີນີ້, ຢູ່ເມືອງຮັ້ນຢາງນະຄອນອູຮັ້ນ, ອາສາສະໝັກເຂດຊຸມຊົນກຳລັງເອົາປາລົງຈາກລົດທີ່ຈັດສົ່ງມາຈາກເມືອງສຽນນິງເຊິ່ງເປັນເທື່ອທີ 3 ແລ້ວທີ່ເມືອງສຽນນິງໄດ້ຈັດສົ່ງປາໃຫ້ເຂດຊຸມຊົນນີ້.
ກົ້ມຫົວສະແດງຄວາມຂອບອົກຂອບໃຈຢ່າງສຸດຊຶ້ງ
ທ່ານນາງອີເສີງກ່າວວ່າ: ກ່ອນເຂົ້າຮ່ວມກອງປະຊຸມຄັ້ງນີ້, ປະຊາຊົນໄດ້ມອບໝາຍໃຫ້ຂ້າພະເຈົ້າມາສະແດງຄວາມຂອບອົກຂອບໃຈເຊີ່ງໜ້າຕໍ່ທ່ານເລຂາທິການໃຫຍ່ສີຈິ້ນຜິງ, ເພື່ອຂອບໃຈຕໍ່ພັກ-ລັດ ແລະກົ້ມຫົວສະແດງຄວາມຄຳນັບຕໍ່ບັນດາທ່ານທີ່ໄດ້ໃຫ້ການຊ່ວຍເຫຼືອນະຄອນອູຮັ້ນແຂວງຫູເປີຍ.
ວັນທີ 24 ພຶດສະພານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເຂົ້າຮ່ວມການຄົ້ນຄວ້າພິຈາລະນາບົດລາຍງານວຽກງານລັດຖະບານຂອງຄະນະຜູ້ແທນແຂວງຫູເປີຍ. ພາຍຫຼັງໄດ້ປະກອບຄຳເຫັນແລ້ວໆ ນາງອີເສີງໄດ້ຕາງໜ້າປະຊາຊົນຢູ່ບ້ານເກີດກົ້ມຫົວຕ່ຳລົງເພື່ອສະແດງຄວາມຄຳນັບຕໍ່ທ່ານສີຈິ້ນຜິງດ້ວຍຄວາມຈິງໃຈ.