ວັນທີ 26 ພຶດສະພານີ້, ທ່ານ ຫຼີເຈ່ຍຊ່າວ ຫົວໜ້າກອງຮັກສາຄວາມໝັ້ນຄົງຮົງກົງກ່າວໃນຂະນະທີ່ໃຫ້ສຳພາດຕໍ່ CMG ວ່າ: ກອງຮັກສາຄວາມໝັ້ນຄົງຮົງກົງແລະກອງກຳລັງຮັກສາລະບຽບວິໄນ 6 ກອງທີ່ຂຶ້ນກັບກອງຕົນໄດ້ສຸມທຸກຄວາມພະຍາຍາມສະໜັບສະໜູນໃຫ້ຮົງກົງສ້າງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດ, ການສ້າງກົດໝາຍທີ່ກ່ຽວຂ້ອງຈະເຮັດໃຫ້ພາກສ່ວນບັງຄັບໃຊ້ກົດໝາຍຢູ່ຮົງກົງມີຫຼັກຖານອ້າງອີງ, ມີຄວາມໝັ້ນໃຈແລະມີຄວາມສາມາດຫຼາຍກວ່າເກົ່າໃນການສະກັດກັ້ນການກະທຳທີ່ທຳລາຍຄວາມໝັ້ນຄົງແຫ່ງຊາດ, ມີຜົນດີຕໍ່ການປົກປັກຮັກສາຄວາມຈະເລີນຮຸ່ງເຮືອງແລະສະຖຽນລະພາບໃນໄລຍະຍາວຂອງຮົງກົງ,ມີຜົນດີຕໍ່ການປົກປັກຮັກສາຄວາມໝັ້ນຄົງຖາວອນຂອງປະເທດ.
ທ່ານ ຫຼີເຈ່ຍຊ່າວ ຊີ້ໃຫ້ເຫັນວ່າ: ບໍ່ວ່າປະເທດໃດໆໃນໂລກ, ການສ້າງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດລ້ວນແຕ່ແມ່ນອຳນາດດ້ານການສ້າງກົດໝາຍຂອງປະເທດຕົນ. ການສ້າງກົດໝາຍແລະກົນໄກປະຕິບັດກົດໝາຍໃນການຮັກສາຄວາມໝັ້ນຄົງແຫ່ງຊາດແມ່ນມີຄວາມຈຳເປັນແລະສຳຄັນ. ກົດໝາຍຂອງຮົງກົງມີຂໍ້ຂາດຕົກບົກຜ່ອງ ໂດຍສະເພາະໃນຊຸມປີຜ່ານມາໄດ້ເຜີຍໃຫ້ເຫັນຂໍ້ບົກຜ່ອງຈຳນວນໜຶ່ງ,ສ່ວນການສ້າງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຂອງຮົງກົງໄດ້ອັດຕັນຂໍ້ບົກຜ່ອງທາງດ້ານຄວາມໝັ້ນຄົງນີ້ໃນຂະນະທີ່ສຳຄັນທີ່ສຸດ.