ກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນສະໄໝທີ 13 ໄດ້ອັດລົງແລ້ວ
ເວລາ 15 ໂມງຂອງວັນທີ 28 ພຶດສະພານີ້, ພິທີປິດກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນສະໄໝທີ 13 ໄດ້ຈັດຂຶ້ນຢູ່ນະຄອນຫຼວງປັກກິ່ງ, ຜູ້ນຳພັກລັດຈີນ ເຊັ່ນ: ທ່ານສີຈິ້ນຜິງເປັນຕົ້ນໄດ້ເຂົ້າຮ່ວມພິທີດັ່ງກ່າວ.
ກອງປະຊຸມໄດ້ລົງຄະແນນສຽງຜ່ານການຮັບຮອງມະຕິກ່ຽວກັບບົດລາຍງານວຽກງານລັດຖະບານ, ໄດ້ລົງຄະແນນສຽງຜ່ານການຮັບຮອງ “ປະມວນກົດໝາຍແພ່ງ ສປ ຈີນ” ເຊິ່ງກົດໝາຍສະບັບນີ້ຈະເລີ່ມມີຜົນບັງຄັບໃຊ້ນັບແຕ່ວັນທີ 1 ມັງກອນປີ 2021 ເປັນຕົ້ນໄປ, ໄດ້ລົງຄະແນນສຽງຜ່ານການຮັບຮອງມະຕິກ່ຽວກັບການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍໃນການຮັກສາຄວາມໝັ້ນຄົງແຫ່ງຊາດຂອງເຂດບໍລິຫານພິເສດຮົງກົງ. ໄດ້ລົງຄະແນນສຽງຜ່ານການຮັບຮອງມະຕິກ່ຽວກັບບົດລາຍງານວຽກງານຂອງຄະນະປະຈຳສະພາປະຊາຊົນແຫ່ງຊາດຈີນ. ໄດ້ລົງຄະແນນສຽງຜ່ານການຮັບຮອງມະຕິກ່ຽວກັບບົດລາຍງານວຽກງານສານປະຊາຊົນສູງສຸດ ແລະ ອົງການອະທິໄອຍະການສູງສຸດ.