ຫວ່າງມໍ່ໆມານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ໃຫ້ທິດຊີ້ນຳທີ່ສຳຄັນຕໍ່ການສ້າງທ່າການຄ້າເສລີໄຫຫຼໍາ, ໂດຍກ່າວເນັ້ນວ່າຕ້ອງຍຶດໝັ້ນການນຳພາຂອງພັກ, ຍຶດໝັ້ນລະບອບສັງຄົມນິຍົມທີ່ມີສີສັນພິເສດຂອງຈີນ, ເຊື່ອມຕໍ່ກັບກະຕິກາດ້ານເສດຖະກິດການຄ້າລະດັບສູງຂອງສາກົນ, ຊຸກຍູ້ໃຫ້ປັດໄຈການຜະລິດເຄື່ອນໄຫວຢ່າງເສລີ ແລະສະດວກ, ສ້າງທ່າການຄ້າເສລີຄຸນນະພາບສູງ ແລະ ມີມາດຕະຖານສູງ.
ທ່ານສີຈິ້ນຜິງຊີ້ອອກວ່າ: ການສ້າງໄຫຫຼໍາໃຫ້ເປັນທ່າການຄ້າເສລີ, ແມ່ນເຫດການສຳຄັນໃນການປະຕິຮູບ ແລະເປີດປະຕູສູ່ພາຍນອກຂອງຈີນໃນຍຸກໃໝ່. ຕ້ອງຖືເອົາການປະດິດສ້າງໃໝ່ດ້ານການລວມສູນລະບຽບການໄວ້ຢູ່ໃນຖານະທີ່ພົ້ນເດັ່ນ, ປົດປ່ອຍແນວຄິດ ແລະປະດິດສ້າງໃໝ່ຢ່າງກ້າຫານ, ໂຄງການໃດມີເງື່ອນໄຂພຽງພໍກໍປະຕິບັດໂຄງການນັ້ນກ່ອນ, ດຳເນີນໄປຢ່າງໜັກແໜ້ນ, ແລະພັດທະນາແບບຍືນຍົງ.