ຕາມຂ່າວCRI：ກົມໃຫຍ່ດ່ານພາສີຈີນໄດ້ເປີດເຜີຍໃນວັນທີ 8 ມິຖຸນານີ້ວ່າ, ນັບແຕ່ເດືອນມັງກອນຫາເດືອນພຶດສະພາປີ 2020 ນີ້, ຍອດມູນຄ່າການຄ້າຂາເຂົ້າຂາອອກຂອງຈີນໄດ້ບັນລຸ 11540 ຕື້ຢວນ. ໃນນັ້ນການສົ່ງອອກໃນເດືອນພຶດສະພາແລ້ວນີ້ສືບຕໍ່ຮັກສາທ່ວງທ່າການເຕີບໂຕຖັດຈາກເດືອນເມສາແລ້ວນີ້.
ຕາມສະຖິຕິຂອງດ່ານພາສີຈີນສະແດງໃຫ້ເຫັນວ່າ: ນັບແຕ່ເດືອນມັງກອນຫາເດືອນພຶດສະພາຂອງປີ 2020 ນີ້, ຍອດມູນຄ່າການຄ້າຂາເຂົ້າຂາອອກຂອງຈີນບັນລຸ 11540 ຕື້ຢວນ, ໄດ້ຫຼຸດລົງ 4，9% ຖ້າທຽບກັບໄລຍະດຽວກັນຂອງປີກາຍນີ້. ໃນນັ້ນ, ການຄ້າຂາອອກບັນລຸ 6200 ຕື້ຢວນ, ຫຼຸດລົງ 4，7%,ການຄ້າຂາເຂົ້າບັນລຸ 5340 ຕື້ຢວນ, ຫຼຸດລົງ 5，2%. ໃນເດືອນພຶດສະພາແລ້ວນີ້, ຍອດມູນຄ່າຂາເຂົ້າຂາອອກຂອງຈີນໄດ້ບັນລຸ 2470 ຕື້ຢວນ, ໄດ້ຫຼຸດລົງ 4，9% ຖ້າທຽບກັບເດືອນພຶດສະພາປີ 2019 ; ໃນນັ້ນ, ຍອດມູນຄ່າການສົ່ງອອກແມ່ນ 1460 ຕື້ຢວນ, ເພີ່ມຂຶ້ນ 1,4%, ຍອດມູນຄ່ານຳເຂົ້າແມ່ນ 1010 ຕື້ຢວນ, ຫຼຸດລົງ 12，7%.