ວັນທີ 8 ມິຖຸນານີ້, ໃນນິຄົມກະເສດເຫີຊີເມືອງເກີມູກິ່ງແຂວງປົກຄອງຕົນເອງເຜົ່າມົງໂກນເຜົ່າຕິເບດໄຮຊີ່ແຂວງຊີງໄຮທີ່ສູງຈາກລະດັບໜ້ານ້ຳທະເລ 2800 ແມັດ, ໂດຍຜ່ານການດຳນາ 4 ມື້, ໄດ້ສຳເລັດການທົດລອງປູກເຂົ້ານ້ຳທະເລໃນເນື້ອທີ່ເກືອບ 2 ເຮັກຕາ. ນີ້ແມ່ນການທົດລອງປູກເຂົ້ານ້ຳທະເລຢູ່ພູພຽງຊິງໄຮຕິເບດຂອງຈີນເປັນຄັ້ງທຳອິດ.
ການປູກ“ເຂົ້ານ້ຳທະເລ” ສ່ວນຫຼາຍປູກຢູ່ດິນເຄັມ, ມີຈຸດພິເສດທີ່ສາມາດທົນທານຕໍ່ຄວາມເຄັມ, ທົນທານຕໍ່ນ້ຳຖ້ວມ, ທົນທານຕໍ່ສັດຕູພືດ ແລະຕົ້ນເຂົ້າມີຄວາມແຂງແກ່ນບໍ່ລົ້ມງ່າຍ.
ຖ້າສັງເກດໃນໃນໄລຍະຍາວແລ້ວ, ເປົ້າໝາຍຂອງການທົດລອງດັ່ງກ່າວແມ່ນຢາກປ່ຽນດິນເຄັມ 6 ລ້ານ 7 ແສນເຮັກຕາ ໃຫ້ກາຍເປັນດິນປູກຝັງ, ສາມາດເພີ່ມພູນຜະລິດຜົນ ເພື່ອລ້ຽງຄົນໄດ້ 80 ລ້ານຄົນ.