ຕອນຄ່ຳວັນທີ 16 ມິຖຸນານີ້, ທ່ານສີຈີ້ນຜິງ ປະທານປະເທດຈີນໄດ້ລົມກັບທ່ານເອໂມມາລີ ຣາເຮິມົນ ປະທານາທິບໍດີຕາຊີກີສະຖານ.
ທ່ານສີຈີ້ນຜິງກ່າວເນັ້ນວ່າ, ສຸພາສິດກ່າວໄວ້ວ່າເມື່ອຜ່ານຜ່າຄວາມຫຍຸ້ງຍາກນຳກັນຈິ່ງຈະໄດ້ເຫັນຄວາມຈິງໃຈ. ໃນໄລຍະທີ່ຈີນພົບຄວາມຫຍຸ້ງຍາກລຳບາກໃນການປ້ອງກັນຄວບຄຸມພະຍາດ COVID-19, ລັດຖະບານ ແລະ ວົງການຕ່າງໆໃນສັງຄົມຂອງຕາຊີກີສະຖານໄດ້ສະໜັບສະໜູນຈີນເພື່ອຕ້ານກັນພະຍາດ COVID-19 ດ້ວຍຮູບການຕ່າງໆ. ຫຼັງຈາກຕາຊີກີສະຖານເກີດສະພາບແຜ່ລະບາດຂອງພະຍາດ COVID-19 ແລ້ວ, ຈີນກໍ່ໄດ້ສະໜອງການຊ່ວຍເຫຼືອຕາມຄວາມສາມາດຂອງຕົນໃຫ້ແກ່ຕາຊີກີສະຖານ.
ທ່ານສີຈີ້ນຜິງກ່າວຕື່ມວ່າ, ສອງປະເທດຄວນຈັດສັນວຽກງານການປ້ອງກັນຄວບຄຸມພະຍາດ ແລະ ການໄປມາຫາສູ່ກັນດ້ານການຄ້າໃຫ້ດີ, ບຸກເບີກແນວຄວາມຄິດ, ເພື່ອຮັບປະກັນໃຫ້ຈັດຕັ້ງປະຕິບັດໂຄງການຈຸດໜັກຂອງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”ຮ່ວມກັນ.
ທ່ານຣາເຮມົນກ່າວວ່າ, ຕາຊີກີສະຖານຂອບໃຈຈີນທີ່ສະໜັບສະໜູນ ຕາຊີກີສະຖານຢ່າງຫຼວງຫຼາຍເພື່ອຕໍ່ຕ້ານພະຍາດ COVID-19 ແລະ ຟື້ນຟູເສດຖະກິດ, ຍິນດີລົງເລິກມິດຕະພາບ ແລະ ຄວາມໄວ້ເນື້ອເຊື່ອໃຈກັນກັບຈີນ, ຊ່ວຍເຫຼືອເຊິ່ງກັນແລະກັນ, ຊຸກຍູ້ການພົວພັນໝູ່ຄູ່ຍຸດທະສາດລະຫວ່າງສອງປະເທດໃຫ້ຂະຫຍາຍຕົວຕື່ມອີກ.