ຕອນຄ່ຳວັນທີ 16 ມິຖຸນານີ້, ທ່ານສີຈິ້ນຜິງ,ປະທານປະເທດຈີນໄດ້ລົມກັບທ່ານເລນີນ ໂບໄທເຣ ໂມເຣໂນ ກາເຊັສ,ປະທານາທິບໍດີເອກວາດໍຜ່ານທາງໂທລະສັບ.
ທ່ານສີຈິ້ນຜິງຊີ້ໃຫ້ເຫັນວ່າ, ຈີນຈະສືບຕໍ່ເດັດດ່ຽວສະໜັບສະໜູນເອກວາດໍຕ້ານກັບສະພາບພະຍາດໂຄວິດ19,ສຸດຄວາມສາມາດຂອງຕົນສະໜອງຄວາມຊ່ວຍເຫຼືອທີ່ຈຳເປັນ,ປຶກສາຫາລືດຳເນີນການຮ່ວມມືກັນໃນການຄົ້ນຄວ້າຜະລິດວັກແຊງແລະຢາປິ່ນປົວ. ສະພາບພະຍາດໂຄວິດ19ຍັງພວມແຜ່ລະບາດໃນທົ່ວໂລກ,ຈີນຍິນດີສືບຕໍ່ຮ່ວມມືກັບບັນດາປະເທດໃນການຕ້ານກັບພະຍາດໂຄວິດ19,ພ້ອມກັນຊຸກຍູ້ໃຫ້ສ້າງປະຊາຄົມຮ່ວມສາທາລະນະສຸກຂອງມວນມະນຸດ.
ທ່ານໂມເຣໂນກ່າວວ່າ,ລັດຖະບານແລະປະຊາຊົນຈີນໄດ້ສະໜອງການສະໜັບສະໜູນແລະຄວາມຊ່ວຍເຫຼືອອັນລ້ຳຄ່າແກ່ການຕ້ານກັບສະພາບພະຍາດໂຄວິດ19ຂອງປະເທດເອກວາດໍ,ເຊິ່ງໄດ້ສະແດງບົດບາດທີ່ສຳຄັນຕໍ່ເອກວາດໍໃນການຮັບມືກັບສະພາບພະຍາດໂຄວິດ19. ຈີນແມ່ນໝູ່ຄູ່ຍຸດທະສາດຮອບດ້ານທີ່ສຳຄັນຂອງເອກວາດໍ,ການຮ່ວມມືລະຫວ່າງສອງຝ່າຍແມ່ນມີມິດຕະພາບຕໍ່ກັນແລະຕ່າງຝ່າຍຕ່າງມີຜົນປະໂຫຍດ.