ຈີນສົ່ງດາວທຽມດວງສຸດທ້າຍຂອງກຸ່ມດາວທຽມເປີຍໂຕວເລກ3ຢ່າງສຳເລັດຜົນ
ເວລາ 9 ໂມງ 43 ນາທີຂອງວັນທີ 23 ມິຖຸນານີ້, ຈີນໄດ້ສົ່ງດາວທຽມນຳທາງດວງທີ 55 ຂອງລະບົບເປີຍໂຕວດ້ວຍຈະຫຼວດສົ່ງຍານສາງເຈີ່ງເລກ 3 B ຈາກຖານສົ່ງດາວທຽມຊີ່ຊ່າງຢ່າງສຳເລັດຜົນເຊິ່ງເປັນດາວທຽມທີ່ສ້າງຕາໜ່າງໃນກຸ່ມດາວທຽມເປີຍໂຕວເລກ 3 ດວງສຸດທ້າຍ. ມາຮອດນີ້, ການສ້າງລະບົບນຳທາງດ້ວຍດາວທຽມໃນກຸ່ມດາວທຽມເປີຍໂຕວເລກ 3 ໄດ້ສຳເລັດຢ່າງຮອບດ້ານກ່ອນແຜນການທີ່ກຳນົດໄວ້ເຄິ່ງປີ.
ປັດຈຸບັນ, ມີຫຼາຍກວ່າ 50% ຂອງປະເທດໃນໂລກລ້ວນແຕ່ໄດ້ເລີ່ມນຳໃຊ້ລະບົບເປີຍໂຕວ. ໃນຕໍ່ໜ້າ, ລະບົບເປີຍໂຕວຂອງຈີນຈະເຂົ້າຮ່ວມວຽກງານນຳທາງດ້ວຍດາວທຽມຂອງສາກົນຢ່າງຕໍ່ເນື່ອງ, ຊຸກຍູ້ການນຳໃຊ້ໃນຫຼາຍລະບົບຮ່ວມກັນ, ດຳເນີນການແລກປ່ຽນແລະການຮ່ວມມືສາກົນ, ຊຸກຍູ້ການນຳໃຊ້ລະບົບເປີຍໂຕວຢູ່ຕ່າງປະເທດຕາມຄວາມຕ້ອງການຂອງຊາວໂລກ, ຮ່ວມກັນຊົມໃຊ້ໝາກຜົນດ້ານການພັດທະນາຫຼ້າສຸດຂອງລະບົບເປີຍໂຕວ.